E fundit!

15:57 Aktualitet

Shtyhet seanca e Metës në GJKKO/ Ja data e radhës

Seanca në themel në Gjykatën e Posaçme për kreun e Partisë...

"Më dhunonte, donte të më mbyste”, dëshmia e 28-vjeçares që u mbajt peng nga i dashuri

17 Prill 2023, 12:34, Kronika CNA

"Më dhunonte, donte të më mbyste”, dëshmia e

Policia Tiranë

Zbardhet dëshmia e vajzës 28-vjeçare, që u mbajt peng për një javë në Tiranë nga i dashuri i saj, Gleard Gusholli.

Ajo ka treguar se 31-vjeçari e ka dhunuar duke e goditur me karrige, shkelma dhe grushte si dhe e ka kërcënuar me thikë se do ta vriste dhe torturonte.

Vajza rrëfen se është droguar nga i dashuri i saj, i cili ka tentuar disa herë ta mbysë duke i futur gishtat në fyt.

Dëshmia e plotë:

Më ka kërcënuar do të hedh në lumë, do marr kushëririn në telefon, nuk do të nxjerr nga shtëpia.

Kam tentuar disa herë të hidhesha nga ballkoni se nuk e duroja dot më. Më gjuante me grushte e me shkop. Më nxirrte thikën, ma mbante te këmba, më thoshte do ta çaj barkun. I lutesha të më hapte derën. Nuk më do mirë, vetëm më hap derën. Donte të hakmerrej se kemi qenë 3 muaj të ndarë.

Në Gjermani ka nisur dhuna, por nuk e kemi denoncuar as unë as familja. Prindërit e mi sapo e kanë marrë vesh, e kanë nxjerrë nga shtëpia. Prej xhelozisë donte të hakmerrej, më merrte telefonin, nuk kontaktoja dot askënd.

Persona të tjerë nuk kanë ndikuar në këtë dhunë, por e di që fliste në telefon, shkruante mesazhe, më kërcënonte se do vijë shoku im tani, do të torturojmë.

Ai akuzonte prindërit e mi dhe mua që ne e kemi denoncuar, ne s’kemi bërë as denoncim e asgjë dhe në këtë moment merr gocën e dajës në telefon dhe i thotë të lutem më gjej një avokat në Gjermani dhe më thuaj pse s’më lejohet të hyj në Gjermani.

Kur flisja në telefon me gocën e dajës së tij, ajo i thoshte të lutem mos u zini. Kur folëm prapë në telefon, i thashë gocës së dajës të vijë të më ndihmojë. Më fuste 4 gishtat në grykë dhe donte me ma marrë shpirtin. Unë e dija që po vdes e po jap shpirt. Më ka dhunuar. Unë kam lindur e jam rritur në Gjermani, jam infermiere.

Ai ka qenë në qytetin tim dhe ka kërkuar ndihmë se nuk ndihej mirë. Unë si shqiptare doja ta ndihmoja. Më ka detyruar të konsumoj drogë. Këto 5 ditët e fundit e kam konsumuar, herët e tjera s’kam pasur kurrë lidhje me drogë.

Mua nuk ka çfarë më mban Shqipëria, erdha të krijoja familjen me Gleardin, erdhi të hakmerret me mua. Me familjarët s’kam folur. Ditën që erdhi kunata për të më ndihmuar, rreth 15 herë më fuste gishtat në fyt e donte të më mbyste. Kur hapi derën ishte kunati i Gleardit, çuni i dajës dhe goca e dajës. Ata e nxorën nga shtëpia. Goca e dajës më veshi rroba se isha nudo, më kishte futur në dush e donte të më vriste”./ Euronews Albania