web counter
LEXO PA REKLAMA!

SHKARKO APP

App Store
Google Play

Qyfyre nga Policia në Korçë/ Hetim penal se rregullon avllinë

13 Prill 2023, 13:01, Kronika CNA
Qyfyre nga Policia në Korçë/ Hetim penal se rregullon
Foto ilustruese

Policia e Korçës nuk ndal “sukseset” me “aksionet” e saj të njëpasnjëshme.

Pas thasëve me arra, për të cilët vunë në pranga tre persona, Policia e Korçës ka shënuar një tjetër sukses.

Këtë herë ka vënë nën hetim një 61-vjeçar, pasi është kapur duke ndërtuar avllinë pa leje.

“Po këta specialistë referuan materialet në Prokurori dhe filloi procedimi në gjendje të lirë për shtetasin F. M., 61 vjeç, banues në fshatin Porodinë, Korçë, pasi u kap duke kryer punime ndërtimi, pa lejen e organeve përkatëse”, thuhet në njoftim.

Por nuk mjafton me kaq. Policia e Korçës po bën një “luftë të madhe” për rendin dhe sigurinë.

Policia e Korçës njofton se ka nisur hetimet për një person që i ka bllokuar rrugën fqinjit të tij.

“Specialistët për Hetimin e Krimeve të Komisariatit të Policisë Pogradec referuan materialet në Prokurori dhe filloi procedimi në gjendje të lirë për shtetasin R. H., 60 vjeç, banues në Pogradec, pasi në lagjen nr. 5, Pogradec, me vetëgjyqësi i ka bllokuar rrugën fqinjit të tij, me pretendimin se kalon në pronën e 60-vjeçarit”, njofton Policia e Korçës.

Kështu tregohet qartazi se policia e Korçës është gjithnjë në gatishmëri për të kryer “operacione” dhe “aksione” të mëdha, ndërsa nën hetime vë njerëz që janë një “rrezik” për rendin dhe sigurinë./ CNA.al





Lajmet e fundit nga