web counter
LEXO PA REKLAMA!

SHKARKO APP

App Store
Google Play

Ish-drejtoresha e burgut tregon “horrorin”/ Nëna vrau të birin, ai abuzonte dhe i priste trupin me thikë

11 Prill 2023, 22:40, Kronika CNA
Ish-drejtoresha e burgut tregon “horrorin”/ Nëna vrau të
Foto ilustruese

Xhoi Jakaj, ish-drejtoresha e burgut të grave në Tiranë, ka treguar historinë rrëqethëse të një nëne të burgosur gjatë kohës që ajo ishte në detyrë.

Jakaj tregoi në emisionin e Rudina Magjistarit se një grua ishte dënuar për vrasjen e të birit, pasi ai abuzonte seksualisht me të dhe ia priste trupin me thikë.

“Ajo vrau të birin pas disa dramash familjare. I biri ishte diku te 38 vjeç. Unë jam munduar ta rehabilitoj atë zonjë, e kishin braktisur të gjithë familjarët e saj megjithatë një mbesë që jetonte jashtë Shqipërisë doli garant për ta mbajtur në vitet e pleqërisë sepse ishte 73 vjeçe dhe ishte me sëmundje të rëndë. Unë kam bërë në atë kohë kërkesë ministres së Drejtësisë dhe Presidentit të kohës për ta liruar dhe për t’i dhënë një amnisti, ndonëse ajo kishte vrarë të birin dhe e kishte pranuar. Pas disa përdhunimesh që kishin ndodhur nga i biri tek e ëma, e kishte trupin komplet me shenja thike… Ia priste trupin me thikë dhe e përdhunonte të ëmën, pra ishte një histori dramatike deri në thriller që nuk ishte e besueshme deri në realitet”, u shpreh ajo.

Ish-drejtoresha e burgut të grave tregoi se u mundua që ta nxirrte nga burgu me amnisti për shkak të moshës dhe gjendjes shëndetësore, por nuk mundi dot pasi u largua nga detyra.

“Dhe ti mendoje ka histori të tilla? Ja që ka histori të tilla dhe për fatin e saj të keq unë ika nga drejtoreshë, nuk u realizua amnistia dhe as falja e këtij personazhi dhe ajo ka ndërruar jetë brenda këtij institucioni të vuajtjes së dënimit”, theksoi Xhoi Jakaj./ CNA.al





Lajmet e fundit nga