web counter
LEXO PA REKLAMA!

SHKARKO APP

App Store
Google Play

E fundit!

x

Misteri i zhdukjes së dy “të fortëve” të Sarandës/ Vihet në lëvizje policia

18 Prill 2023, 10:03, Kronika CNA
Misteri i zhdukjes së dy “të fortëve” të
Foto ilustruese

Leonard Thodhori i njohur si Koçole dhe Fatmir Sulovari alias Fatmir Krasniqi, me precedentë penalë, rezultojnë të zhdukur prej 11 ditësh.

Uniformat blu në Sarandë vijojnë ende me këqyrjen e kamerave të sigurisë në mjedise të ndryshme të qytetit dhe po mbledhin çdo informacion të mundshëm në rrugë operative, por dhe nga marrja në pyetje e familjarëve dhe rrethit shoqëror të të zhdukurve.

Së fundi janë përfshirë në hetim dhe përfaqësues të Drejtorisë së Policisë së Qarkut, por ende nuk është bërë publik, asnjë rezultat konkret. Familjarë të dy të zhdukurve janë mbledhur në Sarandë, madje duke ardhur edhe nga Greqia.

Ata mësohet se po zhvillojnë kërkime edhe privatisht për gjetjen e të zhdukurve, madje duke menduar edhe më të keqen. Deri më tani grupi hetimor e ka pasur të pamundur gjurmimin e telefonave të Thodhorit dhe Sulovarit, pasi janë të fikur.

Kujtojmë se Leonard Thodhori, 46 vjeç, i njohur si “Koçole” ka qenë i dënuar disa herë. I dyshuar si pjesëmarrës në Masakrën e Qafë-Gjashtës në vitin 1997 ku u vra oficeri i policisë Gjergj Mehmeti. Në vitin 2003 ka qenë prezent në automjetin që drejtohej nga Andrea Gjini para se ky i fundit të vriste biznesmenin Jaho Bajo.

I arrestuar po atë vit për “moskallëzim krimi” lidhur me një ngjarje tjetër të kryer nga Gjini. I arrestuar më pas për “vjedhje” e “mashtrim”. Përdorues i lëndëve narkotike dhe i dyshuar si i përfshirë në trafik lëndësh narkotike.

Fatmir Sulovari alias Fatmir Krasniqi, 46 vjeç, ka qenë i dënuar më parë për “armëmbajtje pa leje” dhe “plagosje e lehtë me dashje”. I arrestuar në prill 2022 në Lushnjë, pasi në mjetin e tij “BMW X5" u gjet një sasi cannabis sativa e ndarë në doza gati për shitje./ CNA.al





Lajmet e fundit nga