web counter
LEXO PA REKLAMA!

SHKARKO APP

App Store
Google Play

Punimet për projektin e Unazës së Madhe/ Devijojnë lëvizjet e automjeteve, ja ndryshimet

20 Prill 2023, 18:51, Kronika CNA
Punimet për projektin e Unazës së Madhe/ Devijojnë
Foto ilustruese

Punimet në “Lotin 3” të projektit të Unazës së Madhe në zonën e Astirit do të devijojnë lëvizjen e mjeteve nga dita e dielë.

ARRSH njofton se për një periudhë dymujore do të devijojnë lëvizjet e automjeteve në këto drejtime.

Automjetet që vijnë nga Mbikalimi i Pallatit me Shigjeta, aksi kryesor, në drejtim të Astirit do të devijojnë majtas sipas sinjalistikës horizontale dhe vertikale.

Automjetet që kanë destinacion Qendrën, Laprakën, Astirin do të marrin daljen e autostradës pa u futur në nënkalimin e Astirit.

Automjetet që kanë destinacion Durrësin dhe Aeroportin do të vazhdojnë drejt përgjatë unazës Loti 3 duke vazhduar lëvizjen drejt.

Automjetet që vijnë nga kryqëzimi i Astirit (rruga dytësore) në drejtim të Pallatit me Shigjeta dhe që kanë destinacion Elbasanin, do të marrin daljen për në rrugën kryesore duke vazhduar sipas sinjalistikës.

Ndërkohë, automjetet që vijnë nga aksi kryesor nuk do të kenë ndryshim lëvizjeje.

Autoriteti Rrugor Shqiptar ka marrë të gjitha masat për kufizimin e kantierit ku do të kryhen punimet, si dhe vendosjen e sinjalistikës provizore për të orientuar përdoruesit e rrugës./ CNA.al

Punimet për projektin e Unazës së Madhe/ Devijojnë

Punimet për projektin e Unazës së Madhe/ Devijojnë





Lajmet e fundit nga