web counter
LEXO PA REKLAMA!

SHKARKO APP

App Store
Google Play

27-vjeçari, qëlloi me armë drejt marketit/ Policia zbardh detaje nga ngjarja në Shkodër

23 Prill 2023, 16:46, Kronika CNA

27-vjeçari, qëlloi me armë drejt marketit/ Policia zbardh

Të shtëna me armë janë dëgjuar në orë e para të mëngjesit të sotëm në Shkodër. 

Policia ka njoftuar se L. L., 27 vjeç banues në fshatin “Grudë e Re”, ka qëlluar me armë drejt marketit të shtetasit T. M.. 

Policia thekson se autori është shpallur në kërkim dhe po vijon puna pë kapjen e tij.

"Qëlloi me armë zjarri, gjatë orëve të para të mëngjesit të sotëm, në drejtim të një marketi në fshatin Grudë e Re, identifikohet dhe shpallet në kërkim 27-vjeçari, banor i këtij fshati.

Vijon kontrolli i zonës me qëllim kapjen e 27-vjeçarit.

Rreth orës 02:45 të mëngjesit të sotëm, shtetasi T. M. ka njoftuar sallën operative të DVP Shkodër se ishte qëlluar me armë zjarri në drejtim të marketit të tij, gjatë kohës që ky biznes ka qenë mbyllur.

Menjëherë pas marrjes së njoftimit, një grup i posaçëm hetimor ka mbërritur në vendngjarje, me qëllim zbardhjen e plotë të këtij rasti. Falë veprimeve të shpejta hetimore, u identifikua dhe u shpall në kërkim shtetasi L. L., 27 vjeç banues në fshatin “Grudë e Re”.

Nga hetimet paraprake dyshohet se disa ditë më parë 27-vjeçari ka tentuar të vjedhë në marketin e shtetasit T. M, por nuk ka mundur të realizojë vjedhjen.

Shërbimet e Policisë vijojnë kontrollet në zonë  për kapjen e 27-vjeçarit.

Grupi hetimor, në drejtimin e Prokurorisë, po punon për zbardhjen e plotë të rrethanave të këtij rasti.

Materialet procedurale i kaluan Prokurorisë, për veprime të mëtejshme", shkruhet në njoftimin e policisë/CNA.al

 

 





Lajmet e fundit nga