web counter
LEXO PA REKLAMA!

SHKARKO APP

App Store
Google Play

E fundit!

x

I dënuar me 15 vite burg/ Arrestohet në Greqi i shumëkërkuari për trafikim të të miturve

25 Prill 2023, 15:22, Kronika CNA

I dënuar me 15 vite burg/ Arrestohet në Greqi i

Interpol Tirana në bashkëpunim me autoritetet policore greke kanë bërë të mundur kapjen dhe arrsetimin e Kujtim Demirit, 55 vjeç. 

Demiri është dënuar me 15 vite burg për akuzën e "Trafikimi të të miturve".

Ai ishte shpallur në kërkim ndërkombëtar pasi Gjykata e Krimeve të Rënda, në vitin 2010, e ka dënuar me 15 vjet burgim, për veprën penale “Trafikimi i të miturve", kryer në bashkëpunim.   

"Finalizohet operacioni policor i koduar “Capital”, për kapjen e një shtetasi shqiptar të shpallur në kërkim ndërkombëtar për veprën penale “Trafikimi i të miturve".  

Operacioni u finalizua si rezultat i shkëmbimit të informacionit mes Seksionit të Kërkimit të DVP Tiranë, Interpol Tiranës dhe autoriteteve policore greke. 

Lokalizohet në Greqi, pas shkëmbimit të informacioneve, kapet dhe vihet në pranga 55-vjeçari i dënuar me 15 vjet burgim.  

Në vijim të punës për kapjen e shtetasve në kërkim ndërkombëtar, Interpol Tirana, pas marrjes së informacionit nga Seksioni i Kërkimit i DVP Tiranë, për një shtetas shqiptar në kërkim ndërkombëtar që fshihej në Athinë, Greqi, ua kanë dërguar informacionet autoriteteve policore greke, me qëllim lokalizimin dhe kapjen e këtij shtetasi.      

Në bazë të informacioneve të dërguara nga Interpol Tirana, në kuadër të operacionit policor të koduar “Capital”, është lokalizuar në Athinë, Greqi, është kapur dhe është arrestuar shtetasi shqiptar:

Kujtim Demiri, 55 vjeç. 

Ky shtetas ishte shpallur në kërkim ndërkombëtar pasi Gjykata e Krimeve të Rënda, në vitin 2010, e ka dënuar me 15 vjet burgim, për veprën penale “Trafikimi i të miturve", kryer në bashkëpunim.   

Shtetasi Kujtim Demiri ka kaluar në mënyrë të paligjshme, nga Shqipëria për në Greqi, një shtetas të mitur dhe nëpërmjet dhunës e ka detyruar atë që të lypë, për rreth 1 vit.  

Vijojnë procedurat për ekstradimin e këtij shtetasi nga Greqia drejt vendit tonë", shkruhet në njoftim./CNA.al

 

 

 





Lajmet e fundit nga