LEXO PA REKLAMA!

SHKARKO APP

E fundit!

x

Detaje nga plagosja në Kuçovë/ Policia del me njoftim zyrtar

13 Gusht 2022, 20:53, Kronika CNA
Detaje nga plagosja në Kuçovë/ Policia del me njoftim zyrtar
Foto ilustruese

Policia e Kuçovës ka zbardhur detajet e para mbi plagosjen që ka ndodhur rreth orës 19:30, në lagjen “1 Maji”.

Blutë informojnë se i plagosuri është identifikuar si shtetasi me iniciale A.B., 45 vjeç, banues në këtë lagje.

Ai është gjetur dhe transportuar nga kalimtarë të rastit për në spitalin rajonal Berat, për ndihmë mjekësore dhe fatmirësisht është jashtë rrezikut për jetën.

"Rreth orës 19:30, shtetasi A.B., 45 vjeç, banues në lagjen '1 Maji', Kuçovë, është transportuar nga kalimtarë të rastit për në Spitalin Rajonal Berat, për ndihmë mjekësore, jashtë rrezikut për jetën.

Nga informacionet e marra dhe këqyrja paraprake e mjekut ligjor, shtetasi A.B dyshohet të jetë plagosur me armë zjarri.

Menjëherë në vendin e ngjarjes kanë shkuar shërbimet e Policisë për të bërë të mundur identifikimin dhe kapjen e autorit/eve.

Grupi hetimor, nën drejtimin e Prokurorisë, po punon për sqarimin e rrethanave të ngjarjes dhe sekuestrimin e të gjitha provave me qëllim dokumentimin ligjor të kësaj ngjarjeje", thuhet në njoftimin e policisë./ B.A. – CNA.al

Lajmet e fundit nga