LEXO PA REKLAMA!

SHKARKO APP

Detaje nga plagosja e 17-vjeçarit në Shkodër/ Ngjarja ndodhi në sy të prindërve

11 Prill 2024, 10:05, Kronika CNA

Detaje nga plagosja e 17-vjeçarit në Shkodër/ Ngjarja ndodhi

Detaje të reja janë zbardhur nga plagosja me armë zjarri që ndodhi të mërkurën në mbrëmje në Berdicë të Shkodrës. 

Mësohet se ngjarja ka ndodhur në sytë e prindërve të 17-vjeçarit i cili u plagos nga shtetasi me iniciale G.D., që vijon të jetë në kërkim nga policia vendore e Shkodrës.

Ngjarja ndodhi pas një konflikti mes dy familjeve Luka dhe Gjergji që janë komshinj me njëri-tjetrin. Shkak i debateve dyshohet për çështje banale.

Autori i ngjarjes, i cili banon në lagjen “Xhabiej” në Shkodër është dhëndri i familjes Luka dhe ka shkuar mbrëmjen e djeshme në Bërdicë.

Aty ka nisur një debat me babain e të plagosurit. Ky i fundit ka dalë me një kaçavidë në dorë dhe në ato momente dyshohet se autori ka qëlluar me pistoletë djalin 17-vjeçar duke e lënë të plagosur i cili po ashtu ndodhej jashtë së bashku me babain e tij.

Në momentin e plagosjes në rrugë ndodhej edhe nëna e shtetasit të plagosur./CNA 

 

 

Lajmet e fundit nga