Kosova e ka shpallur person “të padëshirueshëm” dhe ja ka ...
U kap me armë dhe kokainë në automjet, arrestohet 37-vjeçari në Krujë
9 Prill 2024, 15:44, KronikaCNA
Strukturat e Policisë së Krujës kanë ushtruar kontrolle intensive në terren, për parandalimin dhe goditjen e veprimtarive kriminale.
Ditën e sotme policia ka arrestuar një 37-vjeçar, i cili po qarkullonte me armë sportive në automjet dhe posedonte sasi lënde narkotike të dyshuar kokainë.
Njoftimi i Policisë:
Si rezultat i kontrolleve të ushtruara, u kap dhe ndalua një 37-vjeçar që qarkullonte me armë sportive në automjet dhe posedonte sasi lënde narkotike të dyshuar kokainë.
Gjatë verifikimeve ka rezultuar se 37-vjeçari kishte thyer masën e sigurisë "Arrest në shtëpi", që ia kishte caktuar Gjykata e Shkallës së Parë e Juridiksionit të Përgjithshëm Kukës, për vepra penale në fushën e narkotikëve.
Shërbimet e Komisariatit të Policisë Krujë, në bashkëpunim me shërbimet e Forcës së Posaçme "Shqiponja", kanë vijuar kontrollet intensive në terren, për parandalimin dhe goditjen e veprimtarive kriminale, me qëllim garantimin e rendit dhe sigurisë.
Si rezultat i këtyre kontrolleve u kap ndërkohë që drejtonte automjetin dhe ndalua, shtetasi B. S., 37 vjeç, banues në Kukës, të cilit gjatë kontrollit fizik, shërbimet e Policisë i gjetën dhe sekuestruan një armë sportive dhe sasi lënde të dyshuar narkotike kokainë.
Pas verifikimeve të kryera ka rezultuar se 37-vjeçari kishte thyer masën e sigurisë "Arrest në shtëpi", që ia kishte caktuar Gjykata e Shkallës së Parë e Juridiksionit të Përgjithshëm Kukës.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme./ CNA
