web counter
LEXO PA REKLAMA!

SHKARKO APP

App Store
Google Play

E fundit!

x

Ekskluzive/ Merren të pandehur 9 punonjës policie

8 Prill 2024, 16:55, Kronika CNA
Ekskluzive/ Merren të pandehur 9 punonjës policie
Foto ilustruese

Prokuroria e Gjirokastrës merr të pandehur 9 punonjës policie të Drejtorisë Vendore të Kufirit dhe Migracionit.

Sipas informacioneve të siguruara nga CNA, mësohet se mbi këta punonjës është regjistruar procedimi penal për "Shpërdorim detyre" dhe "Ndihma për kalim të paligjshëm të kufirit".

Burime pranë këtij institucioni bëjnë me dije se këta punonjës policie kanë shpërdoruar detyrën, duke lejuar kalimin e emigrantëve të paligjshëm, që fillimisht kapeshin nga policia e më pas lëshoheshin për të vazhduar lëvizjen.

Prokuroria në bashkëpunim me Agjencinë e Mbikëqyrjes Policore, kanë bërë të mundur nëpërmjet hetimit disa mujor, të sigurojë prova dhe pamje filmike që implikojnë punonjësit e policisë në këtë paligjshmëri.

Punonjësit e policisë janë shtetasit:

B.T (asistent i drejtorit të përgjithshem të kufirit dhe migracionit)

F.M (ish shef sektori i migracionit në Gjirokastër)

R.R (ish shef sektori i hetimit dhe kontrollit të territorit)

E.K (ish specialist i migracionit)

B.K (ish specialist hetimi)

D.S (trup shërbimi në sektorin e migracionit)

D.Ç (trup shërbimi në sektorin e hetimit)

E.K (trup shërbimi në sektorin e hetimit)

R.B (trup shërbimi në sektorin e hetimit).

Të gjithë punonjësit e policisë i përkasin drejtorisë vendore të kufirit dhe migracionit të Gjirokastrës. Mësohet se ata kanë qenë aktualisht në punë, ndërsa më herët kanë qenë të pezulluar nga detyra./ CNA





Lajmet e fundit nga