web counter
LEXO PA REKLAMA!

SHKARKO APP

App Store
Google Play

“Depozitoni 750 euro të merrni kredi deri në 15 mijë euro”/ Goditet grupi që mashtronte qytetarët

12 Nëntor 2025, 09:31, Kronika CNA

“Depozitoni 750 euro të merrni kredi deri në 15 mijë

Policia ka finalizuar operacionin e koduar “Smart Bank Phishing”, për goditjen e një rasti të mashtrimit kompjuterik.

Gjatë operacionit është vënë në pranga shtetasi O. Gj., 21 vjeç, banues në Laç, si dhe janë proceduar dy persona D. G., 23 vjeç dhe E. Gj., 21 vjeç.

Shtetasi O. Gj. kishte krijuar një profil të rremë në rrjete sociale, duke përdorur logon dhe emrin e Bankës Kombëtare Tregtare, me qëllim mashtrimin e qytetarëve. Ai kontaktonte qytetarët, përmes platformave të ndryshme online, duke u ofruar kredi të rreme pranë bankës, ndërsa nëpërmjet aksesit të paautorizuar në llogaritë e tyre bankare, arrinte të boshatiste fondet.

Në rastet kur llogaritë nuk kishin para, ai i shtynte qytetarët të depozitonin shuma nga 750 deri në 1 500 euro, me premtimin e rremë të një kredie prej 15 000 eurosh.

Falë bashkëpunimit të ngushtë mes ekspertëve të Krimit Kibernetik dhe Drejtorisë së Forcës së Posaçme Operacionale, u bë i mundur ndalimi i autorit kryesor dhe ndërprerja e veprimtarisë së paligjshme.

Hetimet vijojnë për zbardhjen e plotë të skemës dhe identifikimin e bashkëpunëtorëve të tjerë të mundshëm./ CNA





Lajmet e fundit nga