web counter
LEXO PA REKLAMA!

SHKARKO APP

E fundit!

x

Pezullohet nga detyra shefi i seksionit të Trafiqeve në Elbasan

12 Nëntor 2025, 08:14, Kronika CNA

Pezullohet nga detyra shefi i seksionit të Trafiqeve në Elbasan

Policia e Elbasanit ka pezulluar nga detyra shefin e Seksionit të Trafiqeve, komisar O. M., pas denoncimit të transmetuar në emisionin investigativ “Stop” në "TV Klan", ku një qytetar denoncoi abuzim me detyrën nga ana e tij.

Sipas denoncimit, shefi i kishte kërkuar para qytetarit në dy raste, një herë për motorin dhe një herë për makinën.  

“Në lidhje me rastin e transmetuar në emisionin investigativ “Stop”, që trajtonte një rast të dyshuar abuzimi me detyrën të shefit të Trafiqeve në Drejtorinë Vendore të Policisë Elbasan, ju bëjmë me dije se:

Është pezulluar menjëherë nga detyra punonjësi i Policisë, komisar O. M., me detyrë shef i Seksionit të Trafiqeve në DVP Elbasan, deri në përfundim të hetimit administrativ e penal.

Ndërkohë, Drejtoria e Standardeve Profesionale në Drejtorinë e Përgjithshme të Policisë së Shtetit, në bazë të nenit 121, pika d, të Ligjit nr. 82, viti 2024, “Për Policinë e Shtetit”, ka nisur menjëherë hetimin administrativ.

Po në lidhje me rastin, po bashkëpunohet me AMP, meqenëse jemi në kushtet e dyshimit të kryerjes së veprës penale nga punonjësi i Policisë, O. M., ku Agjencia e Mbikëqyrjes Policore ka nisur hetimin penal, në bashkëpunim me Prokurorinë e Elbasanit”, njofton policia./ CNA





Lajmet e fundit nga