Burri akuzon gruan për vjedhje në Korçë/ E pabesueshme çfarë iu gjet gjatë kontrollit të policisë

23 Qershor 2022, 11:06, Kronika CNA

Burri akuzon gruan për vjedhje në Korçë/ E pabesueshme

Policia e Korçës ka vënë në pranga një 41-vjeçare, e cila dyshohet se ka vjedhur një shumë parash në shtëpinë bashkëshortore në Voskopojë.

Uniformat blu bëjnë të ditur se në pranga ka rënë shtetasja, A.N banuese në Korçë.

41-vjeçarja dyshohet se ka marrë nga shtëpia e përbashkët familjare në fshatin turistik Voskopojë një shumë parash që sipas bashkëshortit që ka bërë dhe denoncimin në polici kapin vlerën e 20 milionë lekëve.

Pas denoncimit të marrë blutë e Korçës kanë bërë dhe arrestimin e zonjës, e cila i ka mohuar akuzat, por policia pas kontrollit i ka gjetur rreth 2 milionë lekë të fshehura, të cilat dhe janë sekuestruar nga policia. Ndërkohë, materialet i kaluan Prokurorisë së Rrethit Gjyqësor Korçë, për veprime të mëtejshme.

"Specialistët për Hetimin e Krimeve në Komisariatin e Policisë Korçë bënë arrestimin në flagrancë të shtetases A. N., 41 vjeçe, banuese në fshatin Voskopojë, Korçë, pasi dyshohet se ka vjedhur në banesën bashkëshortore, në fshatin Voskopojë, Korçë, një shumë të konsiderueshme parash, një pjesë e të cilave u gjetën dhe u sekuestruan në cilësinë e provës materiale."-njofton policia/CNA.al

Lajmet e fundit nga