Biznese dhe makina luksoze me paratë e krimit/ Bashkëshortja e Gentian Sharrës punësoi Talo Çelën

10 Qershor 2022, 14:24, Kronika CNA

Biznese dhe makina luksoze me paratë e krimit/ Bashkëshortja e Gentian

Gentian Sharra me 4 makina, tri tip "Benz", një "Nisan" dhe një motoçikletë. Gjithashtu në emër të tij rezulton se ka katër biznese, për të vijuar me tej me dy biznese të tjera, një në emër të bashkëshortes dhe një në emër të babait.

CNA.al ka zbardhur një pjesë nga dosja e SPAK-ut mbi hetimet për Gentian Sharrën.

Sharra, i implikuar në grabitjen e Rinasit

Drejtoria Vendore e Policisë Elbasan me shkresën Nr. 5041/1 datë 03.09.2020 informon se: Në ngarkim të shtetasit Gentian Mustafa Sharra ka të dhëna/informacione ku rezulton të jetë i implikuar në veprimtari kriminale në drejtim të trafikimit të lëndëve narkotike, krimet kundër personit dhe krimit ekonomik.

Ky shtetas njihet si lidhje e grupit të grabitjes së eurove në ambientet e aeroportit të Rinasit ku është marrë një sasi e konsiderueshme valute e huaj (euro). Sipas informacionit të mësipërm, furgoni i përdorur për këtë grabitje është modifikuar nga vëllezërit Çela te servisi i këtij shtetasi, Gentian Mustafa Sharra, i ndodhur në fshatin Katund i Ri, Elbasan.

Gjithashtu ky shtetas është lidhje shoqërore e ngushtë e shtetasit Talo Jonuz Çela (aktualisht në kërkim për këtë grabitje dhe i dyshuar për disa vrasje në Durrës dhe Elbasan).

Talo Çela i punësuar te bashkëshortja e Sharrës.

Sipas referimit lidhja është vërtetuar pasi për një periudhë kohore Talo Çela ka qenë i punësuar (fiktivisht) te firma e bashkëshortes së tij O. Sharra. Investimet kryesore janë në pasuri të paluajtshme dhe veprimtari tregtare.

Persona të lidhur me personin ndaj të cilit zhvillohen hetime rezultojnë O. Sharra dhe Mustafa Sharra, i ati.

Patundshmëria e familjes Sharra

Biznese dhe makina luksoze me paratë e krimit/ Bashkëshortja e Gentian

Pasuritë e paluajtshme të gjetura në fazën e hetimeve paraprake:

Në emër të shtetasit Gentian Sharra në bashkëpronësi me babain e tij, Mustafa Sharra, figuron e regjistruar pasuria me nr.545/4, vo14, fq.44, zk.2124, lloji "arë" me sipërfaqe prej 15800m2, e ndodhur në Katund i Ri, Elbasan.

Këtë pasuri e ka fituar nga kontrata e shitblerjes Nr.1289Rep/Nr.655Ko1 dt.18.02.2012.

Çmimi i blerjes 7.031.000 lekë, ku specifikisht 445 lekë/m2.

Me urdhër të Regjistruesit dt.23.08.2012 sipas kërkesës së bërë nga Mustafa Sharra është urdhëruar mbyllja e Kartelës së Pasurisë me Nr.545/4, vol.4, fq.44 me sipërfaqe 15800 m2 .

Të regjistrohet pasuria me nr.545/4/1, vo1.6, fq.227 me sipërfaqe 120m2, në pronësi të Mustafa Sharrës.

Të regjistrohet pasuria me nr.545/4/2, vol.6, fq.228 me sipërfaqe arë prej 15680m2, në pronësi të Mustafa Sharrës.

Nga kqyrja në sistemin 'Tims' dhe në 'Deepse' në ngarkim të këtij shtetasi rezulton se për "Gentian Mustafa Sharrën", filloi procedimi për vepren penale "korrupsioni aktiv në zgjedhje".

Shtetasi Gentian Sharra shpallet në kërkim, me kartelë "Rozë" pasi dyshohet se ka konsumuar veprën penale të "‘Heqje të paligjshme të lirisë" dhe "Plagosje e lehtë me dashje" në B/punim parashikuar nga neni 110, 89 ,25 K penal.

Nga të dhënat që disponon policia gjyqësore rezulton që shtetasi Gentian Mustafa Sharra të jetë i implikuar në veprimtari kriminale në drejtim të trafikimit të lëndëve narkotike, krimet kundër personit dhe krimit ekonomik./CNA.al