web counter
LEXO PA REKLAMA!

SHKARKO APP

App Store
Google Play

Arratiset nga burgu anëtari i bandës së Niklës/ I dyshuari për një atentat mafioz në liri

10 Qershor 2022, 09:28, Kronika CNA
Arratiset nga burgu anëtari i bandës së Niklës/ I dyshuari
Foto ilustruese

Medita italiane kanë raportuar sot se tre shtetas shqiptarë janë arratisur nga burgu i Trevisos.

Ngjarja ka ndodhur mëngjesin e djeshëm, ku shqiptarët, pasi kanë prerë hekurat e qelisë, kanë zbritur nga dritarja me anë të çarçafëve.

Dy prej tyre janë kapur në kohë rekord nga policia italine, por i treti ka arritur të ikë.

Ai është Edison Pula, anëtar i bandës së Niklës, i akuzuar për atentatin me eksploziv ndaj Gentjan Bejtjes në Larushk dhe për një sërë veprash të tjera penale.

Pula u arratis edhe nga policia në Fushë-Krujë

Arratiset nga burgu anëtari i bandës së Niklës/ I dyshuari
Edison Pula

Edison Pula nuk e ka për herë të parë arratisjen.

Ai është arratisur edhe në vitin 2017 nga duart e policisë në Fushë-Krujë.

I prangosur dhe nën masa të rrepta sigurie, Pula në atë kohë 21 vjeç, në momentin që ka zbritur nga furgoni i policisë ka mundur të arratiset.

Arratisja ndodhi gjatë kohës së transferimit të tij nga stacioni i policisë së Fushë-Krujës në të Krujës.

Ai kapërceu murin rrethues, duke u larguar në drejtim të paditur.

Mbi Edison Pulën rëndojnë disa vepra penale si: ‘Vrasje me paramendim e ngelur në tentativë’, ‘Shkatërrim i pronës me eksploziv’, ‘Vjedhje me dhunë’ dhe ‘Prodhim dhe mbajtje e armëve dhe municioneve luftarake’.

Pula u prangos së bashku me 8 anëtarë të tjerë të së njëjtës bandë.

Sipas policisë ai është pjesëtar i grupit kriminal që organizoi atentatin ndaj Gentjan Bejtjes në fshatin Larushk të Krujës./CNA.al





Lajmet e fundit nga