web counter
LEXO PA REKLAMA!

SHKARKO APP

App Store
Google Play

E fundit!

x

Arratisja nga burgu në Itali/ Misteri i sharrës në qelinë e Edison Pulës, kush është “shpëtimtari” që e ndihmoi?

10 Qershor 2022, 10:56, Kronika CNA
Arratisja nga burgu në Itali/ Misteri i sharrës në qelinë e
Edison Pula

Me sharrë hekuri prenë hekurat e dritares në qelinë e tyre. Pastaj me një çarçaf të përdorur si litar, u ulën në oborrin e burgut dhe vrapuan deri te muri rrethues. Oficeri i policisë së burgut që vepronte si roje mundi të bllokonte vetëm dy prej tyre, ndërsa tjetri (Edison Pula) arriti të ngjitej dhe të kapërcejë pengesën. Pasi arriti të kalonte murin rrethues ai arriti të zhdukej nëpër fusha duke humbur gjurmët.

Ky ishte skenari si në filma që shqiptari 27-vjeçar Edison Pula dhe 2 bashkëkombës të tij përdorën për t'u arratisur nga burgu i Trevisos në Itali.

Misteri i sharrës në qeli

Oficeri Vito Montarul tha: “Kam tri vjet këtu dhe nuk ka ndodhur asgjë. Sigurisht, historikisht, evazione mund të ndodhin. Këto janë episode që nuk mungojnë me gjithë masat e sigurisë. Sepse çdo masë sigurie ka kufij, por ka një siguri. Ne duhet të punojmë për të korrigjuar në rast arratisjeje. Dhe kjo është ajo që ne po përpiqemi të bëjmë. Ne do të japim maksimumin, sepse ka angazhim maksimal nga ana e të gjitha forcave të policisë”.

"Ndërkohë, kanë nisur hetimet për të kuptuar se cilat ishin të metat në sistemin e sigurisë". -raporton "Abc".

Para së gjithash, një sharrë hekuri hyri në qeli dhe u përdor nga tre të arratisurit (dy të kapur menjëherë) për të prerë hekurat. Si arriti atje?

Përgjigjja do të merret nga dy bashkëpunëtorët e Pulës që tentuan të arratiseshin me të. Ata do të merren në pyetje sot.

Autoritetet italiane gjithashtu do të përpiqen të kuptojnë se çfarë mbështetjeje ka 27-vjeçari shqiptar, i cili ka nevojë për një strehë, makinë dhe kontakte për t’i shpëtuar kapjes.

 





Lajmet e fundit nga