web counter
LEXO PA REKLAMA!

SHKARKO APP

App Store
Google Play

E fundit!

x

Bashkë me dy të tjerë morën peng një person dhe e dhunuan/ Arrestohet 30-vjeçari në Gjirokastër

29 Maj 2026, 15:12, Kronika CNA

Një 30-vjeçar, i shpallur në kërkim për rrëmbim dhe dhunim të një të riu është arrestuar në Gjirokastër. Në pranga është vënë shtetasi R.L.

Ai u arrestua teksa lëvizte me automjet, në aksin rrugor “Tepelenë-Gjirokastër”. 30-vjeçari dhe 2 bashkëpunëtorët e tij akuzohen se më 21 maj morën me forcë në Vlorë, një 20-vjeçar për t’i marrë 6000 euro.

Njoftimi i policisë:

Gjirokastër

I shpallur në kërkim në kuadër të operacionit “Strike 2”, për një rast të heqjes së paligjshme të lirisë dhe dhunimit, kapet në Gjirokastër 30-vjeçari.

I ndaluari dhe 2 bashkëpunëtorët e tij morën me forcë në Vlorë, një 20-vjeçar, më datë 21.05.2026, për t’i marrë 6000 euro.

Si rezultat i koordinimit të informacioneve dhe veprimeve ndërmjet strukturave hetimore dhe operacionale të Drejtorisë Vendore të Policisë Gjirokastër dhe strukturave të Drejtorisë Vendore të Policisë Vlorë, u ndalua, në bashkëpunim me shërbimet e Forcës “Shqiponja” të DVP Gjirokastër, shtetasi i shpallur në kërkim për llogari të DVP Vlorë, në kuadër të operacionit të koduar “Strike 2”, R. L., 30 vjeç, banues në fshatin Risili, Vlorë.

30-vjeçari u kap teksa lëvizte me automjet, në aksin rrugor “Tepelenë-Gjirokastër”.

Ai akuzohet se më datë 21.05.2026, në bashkëpunim me shtetasit B. H. dhe L. K. alias L. L. (të arrestuar më parë), kanë marrë me forcë, në automjet, një 20-vjeçar, të cilin e kanë çuar në një ambient të veçuar, ku e kanë dhunuar, për t’i marrë 6000 euro.

Shtetasi R. L. iu dorëzua shërbimeve të DVP Vlorë, për veprime të mëtejshme. /CNA





Lajmet e fundit nga