web counter
LEXO PA REKLAMA!

SHKARKO APP

App Store
Google Play

E fundit!

x

Asgjesohen rreth 12 mijë fidanë në Shkodër, procedohen 4 persona

15 Qershor 2025, 09:14, Kronika CNA

Asgjesohen rreth 12 mijë fidanë në Shkodër, procedohen 4

Në Shkodër janë gjetur dhe sekuestruar 12 203 bimë narkotike.

Konkretisht 455 bimë në Njësinë Administrative Pult dhe 11 748 bimë narkotike  në njësinë administrative Temal.

Si rezultat janë proceduar penalisht një inxhinier pyjesh, kryeplaku i fshatit Kllogjen dhe dy vrojtues pyjesh.

 

Njoftimi i policisë

Qarku Shkodër/ Vijon operacioni policor “Koordinata”, për parandalimin dhe goditjen e  tentativave për kultivim të bimëve narkotike!

Drejtoria Vendore e Policisë Shkodër dhe Komisariatet në varësi të saj, në kuadër të operacionit të gjerë “Koordinata”, kanë intensifikuar kontrollet në të gjithë territorin e qarkut Shkodër, me qëllim parandalimin dhe goditjen e kultivimit të paligjshëm të bimëve narkotike.

Bazuar në inteligjencën policore dhe monitorimin nga ajri me dronë dhe toka me patrulla këmbësore, janë lokalizuar dhe asgjësuar 12 203 bimë e fidanë të dyshuara narkotike, të llojit cannabis sativa.

Rastet konkrete:

Njësia administrative Pult, Shkodër.

Shërbimet e Komisariatit të Policisë Shkodër gjetën dhe asgjësuan 455 bimë narkotike. Për këtë rast nisi procedimi në gjendje të lirë ndaj inxhinierit të pyjeve, shtetasit A. M., për shpërdorim detyre dhe moskallëzim krimi.

Njësia administrative Temal, Vau i Dejës.

Shërbimet e Komisariatit të Policisë Vau i Dejës asgjësuan 11 748 bimë narkotike. Për këtë rast u proceduan:

Kryeplaku i fshatit Kllogjen, Gj. G., për shpërdorim detyre;

Dy vrojtues pyjesh, shtetasit P. Sh. dhe F. G., për shpërdorim detyre.

Vijon puna për identifikimin, kapjen dhe ndjekjen penale të autorëve të këtyre rasteve.

Policia e Shtetit mbetet e vendosur në luftën kundër kultivimit të drogës, në çdo zonë të vendit.





Lajmet e fundit nga