web counter
LEXO PA REKLAMA!

SHKARKO APP

App Store
Google Play

Organizonin lojëra fati/ Vihen në pranga 2 persona, shpallet në kërkim një tjetër

13 Qershor 2025, 08:59, Kronika CNA

Organizonin lojëra fati/ Vihen në pranga 2 persona, shpallet në

Në Korçë është goditur një rast i lojërave të fatit, ku si rezultat u vunë në pranga 2 persona dhe u shpall në kërkim një tjetër.

Gjithashtu u sekuestruan 10 makineta dhe 3 celularë që përdoreshin për organizimin e lojërave të fatit.

 

Njoftimi i policisë

Finalizohet operacioni policor i koduar “Slot Machine”, bazuar edhe në ankesat dhe shqetësimet e qytetarëve.

Arrestohen në flagrancë 2 shtetas. Shpallet në kërkim poseduesi i makinetave të lojërave të fatit. Sekuestrohen 10 makineta dhe 3 aparate celularë.

Specialistët e Sektorit për Hetimin e Krimeve Ekonomiko-Financiare, në bashkëpunim me Forcën e Posaçme “Shqiponja” të DVP Korçë, në vijim të punës për parandalimin dhe goditjen e aktivitetit të paligjshëm në fushën e lojërave të fatit, kanë organizuar dhe zhvilluar operacionin policor të koduar “Slot Machine”.

Gjatë operacionit është goditur një rast i lojërave të fatit të ushtruara në mënyrë të paligjshme, nëpërmjet makinetave, në lokale që vihen në dispozicion për këtë veprimtari.

Në vijim të veprimeve u arrestuan në flagrancë shtetasit:

Th. S., 53 vjeç, banues në Korçë, për veprat penale “Organizimi i lotarive të palejuara” dhe “Vënia në dispozicion e lokaleve për lojëra të palejuara”;(ka lëshuar me qera lokalin ku u gjetën makinetat)

M. Sh., 34 vjeç, banues në Korçë, për veprën penale “Organizimi i lotarive të palejuara”(i punësuar në lokalin ku ishin instaluar makinetat).

Gjithashtu u shpall në kërkim D. M., 50 vjeç, banues në Korçë, për veprat penale “Punësimi i paligjshëm”, “Fshehja e të ardhurave”, “Mospagimi i taksave dhe tatimeve",

“Organizimi i lotarive të palejuara” dhe “Vënia në dispozicion e lokaleve për lojëra të palejuara”.

Këta shtetas, në bashkëpunim me njëri-tjetrin, u kapën në flagrancë gjatë organizimit të lojërave të fatit me anë të makinetave, në kundërshtim me ligjin.

Në cilësinë e provës materiale u sekuestruan 10 makineta të lojërave të fatit dhe 3 aparate celularë.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme./ CNA

 





Lajmet e fundit nga