web counter
LEXO PA REKLAMA!

SHKARKO APP

App Store
Google Play

Në kërkim ndërkombëtar për plagosje dhe abuzim ndaj personit/ Vihet në pranga 50-vjeçari

12 Qershor 2025, 11:14, Kronika CNA

Në kërkim ndërkombëtar për plagosje dhe abuzim ndaj

Një 50-vjeçar i shpallur në kërkim ndërkombëtar është vënë në pranga në kuadër të operacionit “Operacionalja”.

Në pranga ka rënë Z. H., i cili është shpallur në kërkim nga Italia, pasi Gjykata e Sienës e ka dënuar me 7 vite burg për dhunë në familje, marrëdhënie seksuale me dhunë dhe plagosje.

 

Njoftimi i policisë

 

Finalizohet nga Drejtoria e Forcës së Posaçme Operacionale, operacioni policor i koduar “Operacionalja 47”.

I dënuar në Itali, me 7 vjet burgim, për krime kundër personit dhe krime seksuale, kapet në Elbasan, 50-vjeçari.

Si rezultat i veprimeve të mirorganizuara policore dhe i shkëmbimit të shpejtë të informacioneve me partnerët italianë, nëpërmjet shërbimeve të Interpol Tiranës, shërbimet e Drejtorisë së Forcës së Posaçme Operacionale, në kuadër të operacionit “Operacionalja 47”, kapën në Elbasan, shtetasin shqiptar, të shpallur në kërkim ndërkombëtar, për llogari të Italisë, Zamir Halili, 50 vjeç.

Gjykata e Sienas, Itali, në vitin 2014, e ka dënuar me 7 vjet burgim, për plagosje, dhunë në familje dhe marrëdhënie seksuale me dhunë. Nga ky dënim atij i kanë mbetur për të vuajtur rreth 6 vjet e 9 muaj burgim.

Interpol Tirana po bashkëpunon me Interpol Romën, për të finalizuar procedurën e ekstradimit të 50-vjeçarit, në Itali.





Lajmet e fundit nga