web counter
LEXO PA REKLAMA!

SHKARKO APP

App Store
Google Play

E fundit!

x

Grabitën një karburant dhe taksistin/ Arrestohet 23-vjeçarja, në kërkim bashkëpunëtori

13 Qershor 2025, 09:24, Kronika CNA

Grabitën një karburant dhe taksistin/ Arrestohet 23-vjeçarja,

Policia e Kurbinit ka finalizuar operacionin “Couple” në kuadër të të cilit ka rënë në pranga një 23-vjeçare dhe është shpallur në kërkim bashkëpunëtori i saj, të akuzuar për vjedhje.

23-vjeçarja dhe shtetasi E. N., 29 vjeç, dyshohet se më 30 maj kanë grabitur drejtuesin e një taksie nën kërcënimin e armës.

Gjithashtu dyshohet se më 10 maj kanë kanosur me armë punonjësin e një karburanti dhe i kanë vjedhur xhiron ditore.

 

Njoftimi i policisë

Kurbin/Finalizohet operacioni policor i koduar “Couple”, për zbardhjen e vjedhjeve.

Bashkëpunoi për vjedhjen e parave të një drejtuesi taksie dhe të një punonjësi në karburant, kapet 23-vjeçarja.

Kjo shtetase dhe bashkëpunëtori i saj, aktualisht në kërkim, me precedent të theksuar për vjedhje.

Si rezultat i veprimeve hetimore dhe operacionale, të kryera menjëherë pas denoncimeve të 2 shtetasve, për vjedhje, shërbimet e Komisariatit të Policisë Kurbin, në kuadër të operacionit “Couple”, lokalizuan, kapën dhe vunë në pranga njërin prej autorëve të dyshuar të këtyre rasteve, konkretisht shtetasen F. K., 23 vjeçe, banuese në Krujë.

Nga këto veprime dyshohet se 23-vjeçarja dhe shtetasi E. N., 29 vjeç, banues në Mamurras (i shpallur në kërkim), më datë 30.05.2025, në fshatin Fushë Mamurras, i kanë vjedhur një shumë parash, drejtuesit të taksisë ku ishte pasagjere shtetasja F. K., duke e kanosur me armë.

Më datë 10.05.2025, dyshohet se 29-vjeçari ka hyrë i maskuar në ambientet e një karburanti në fshatin Fushë Gjormë, ka kanosur punonjësin dhe në bashkëpunim me shtetasen e ndaluar, i kanë vjedhur xhiron ditore.

Vijon puna për kapjen e shtetasit E. N..

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme, për veprat penale “Vjedhja me dhunë” dhe “Vjedhja”, të kryera në bashkëpunim./ CNA





Lajmet e fundit nga