web counter
LEXO PA REKLAMA!

SHKARKO APP

App Store
Google Play

E fundit!

x

Asgjesohen 3334 fidanë kanabis në Lezhë/ Vihet në pranga 30-vjeçari, në kërkim vëllai

25 Maj 2025, 12:36, Kronika CNA

Asgjesohen 3334 fidanë kanabis në Lezhë/ Vihet në pranga

Një 30-vjeçar ka rënë në prangat e policisë së Lezhës, pas konstatimit të një parcele me fidanë cannabis sativa.

Policia evidentoi 3334 fidanë të cilat u sekuestruan në cilësinë e provës materiale, së bashku me një armë zjarri që përdorej për ruajtjen e parcelës.

Në vijim të operacionit u identifikuan dhe dy persona të tjerë, të cilët u shpallën në kërkim, njëri prej të cilëve vëllai i 30-vjeçarit të arrestuar.

Dy vëllezërit rezoltojnë të shpallur në kërkim për plagosje me dashje.

 

Njoftimi i policisë

Lezhë/Vijon operacioni policor i koduar “Koordinata”, për parandalimin, evidentimin dhe goditjen e kultivimit të bimëve narkotike.

Si rezultat i kontrolleve të intensifikuara nga shërbimet e Komisariatit të Policisë Lezhë dhe Stacionit të Policisë Shëngjin, në Malin e Rrencit u evidentua një parcelë me rreth 3334 fidanë dhe bimë të dyshuara narkotike të llojit cannabis sativa.

Gjatë ndërhyrjes nga shërbimet e Policisë  u arrestua në flagrancë shtetasi S. B., alias S. M., 30 vjeç, banues në Velipojë, Shkodër,  person  i shpallur në  kërkim nga DVP Shkodër,  për veprën penale  plagosja e lehtë me dashje

Në vijim të operacionit u identifikuan dhe u shpallën në kërkim shtetasit M. B., 25 vjeç,(vëllai i të arrestuarit) dhe F. F., 30 vjeç, të dy banues në Velipojë , Shkodër.

 Shërbimet e Komisariatit të Policisë Lezhë vijojnë punën  për kapjen e tyre.

Të dy vëllezërit, S. B. dhe M. B., rezultojnë persona të shpallur në kërkim nga DVP Shkodër,  për veprën penale “Plagosja e lehtë me dashje”, kryer në bashkëpunim.

Gjatë operacionit u sekuestrua një armë gjahu, e dyshuar se përdorej për ruajtjen e parcelës.

Fidanët dhe bimët narkotike u asgjësuan në vend me anë të djegies, ku një pjesë u sekuestruan në cilësinë e provës materiale.

Vijon puna për kapjen e personave të shpallur në kërkim dhe dokumentimin e plotë të veprimtarisë kriminale./ CNA





Lajmet e fundit nga