web counter
LEXO PA REKLAMA!

SHKARKO APP

App Store
Google Play

Helmimi i fëmijëve në kopshtin në Gramsh/ Policia: Është bërë bllokimi i produkteve ushqimore të mbetura

25 Maj 2025, 11:50, Kronika CNA

Helmimi i fëmijëve në kopshtin në Gramsh/ Policia:

Policia e Elbasanit ka bërë një reagim zyrtar në lidhje me rastine një kopshti në Gramsh ku disa fëmijë u helmuan me salmonelë.

Në njoftimin e bërë, policia thotë se në spitalin e Gramshit janë paraqitur për të marrë ndihmë mjekësore 6 fëmijë.

Gjithashtu policia njofton se është bërë bllokimi i ushqimeve të mbetura në kuzhinën e kopshtit si dhe janë marrë mostrat për ekzaminime.

Më tej bëhet me dije se materialet janë referuar në prokurori për hetime të mëtejshme.

 

Njoftimi i policisë

Specialistët për Hetimin e Krimit në Komisariatin e Policisë Gramsh referuan materialet procedurale në Prokurorinë pranë Gjykatës së Shkallës së Parë të Juridiksionit të Përgjithshëm Elbasan, për vlerësim, pasi më datë 24.05.2025 është marrë dijeni nga rrjetet sociale se në Kopshtin Nr.1 Gramsh janë helmuar nga salmonela disa nga fëmijët e këtij kopshti.

Në spitalin e Gramshit janë paraqitur për të marrë ndihmë mjekësore 6 fëmijë dhe janë bërë analizat për të gjithë fëmijët dhe personelin e këtij kopshti. Në cilësinë e provës materiale janë sekuestruar Kartelat Klinike për 6 pacientët e shtruar në spitalin e Gramshit, janë sekuestruar Procesverbalet e kontrollit dhe furnizimit me produkte ushqimore të Kopshtit Nr.1, si dhe janë marre mostrat nga ushqimi për ekzaminime të mëtejshme në kushte laboratorike. Gjithashtu, është bërë dhe bllokimi i produkteve ushqimore të mbetura në kuzhinën e këtij kopshti. Të gjitha veprimet janë kryer nën drejtimin e Prokurorisë së Juridiksionit të Përgjithshëm Elbasan.

Materialet iu referuan Prokurorisë, për veprime të mëtejshme procedurale./ CNA





Lajmet e fundit nga