web counter
LEXO PA REKLAMA!

SHKARKO APP

App Store
Google Play

Goditën me mjet prerës 58-vjeçarin/ Vihet në pranga një nga autorët, në kërkim i biri

25 Maj 2025, 10:06, Kronika CNA

Goditën me mjet prerës 58-vjeçarin/ Vihet në pranga

Një person është arrestuar dhe një tjetër është në kërkim pasi ditën e djeshme goditën me sëpatë 58-vjeçarin Ll. M. në Fier.

Në pranga ka rënë P. P., ndërsa është në kërkim i biri i tij, N. P.

Ngjarja ka ndodhur për motive të dobëta.

Efektivët sekuestruan në cilësinë e provës materiale mjetin prerës me të cilin u godit 58-vjeçari.

 

Njoftimi i policisë

Tentuan të vrisnin me mjet prerës një shtetas, pas një konflikti për motive të dobëta, vihet në pranga një nga autorët e dyshuar. Punohet për kapjen e autorit tjetër.

Paraditen e djeshme, njoftohemi se në fshatin Shtyllas, është plagosur me mjet prerës një shtetas.

Menjëherë pas njoftimit të marrë, shërbimet e Komisariatit të Policisë Fier kanë shkuar në vendngjarje dhe falë reagimit në kohë kapën dhe shoqëruan një nga autorët e dyshuar.

Shtetasi P. P. dhe djali i tij, shtetasi N. P., dyshohet se gjatë një konflikti për motive të dobëta, kanë goditur me mjet prerës (sopatë), shtetasin Ll. M., 58 vjeç, i cili ndodhet në spital nën kujdesin e mjekëve.

Në përfundim të veprimeve procedurale, specialistët e Seksionit për Hetimin e Krimeve Kundër Personit bënë arrestimin në flagrancë të shtetasit P. P., 63 vjeç, për veprën penale "Vrasje me paramendim", e kryer në bashkëpunim, e mbetur në tentativë.

Po punohet intensivisht për kapjen e djalit të tij, shtetasit N. P., 40 vjeç, banues në fshatin Shtyllas.

U sekuestrua në cilësinë e provës materiale mjeti prerës (sopatë), me të cilën autorët goditën 58-vjeçarin.

Materialet i kaluan për veprime të mëtejshme Prokurorisë pranë Gjykatë së Shkallës së Parë të Juridiksionit të Përgjithshëm Fier./ CNA





Lajmet e fundit nga