web counter
LEXO PA REKLAMA!

SHKARKO APP

App Store
Google Play

E fundit!

x

50 mijë euro mallra/ Goditet një tjetër rast kontrabande në Durrës

26 Mars 2025, 13:20, Kronika CNA

50 mijë euro mallra/ Goditet një tjetër rast kontrabande në

Një tjetër rast kontrabandë është goditur nga policia në Portin e Durrësit.

Mësohet se janë tentuar të futen në port, mallra kontrabandë që kapin vlerën e 50 mijë eurove.

Policia bën me dije se për këtë akt janë arrestuar dy shtetas me inicialet E. N. dhe Sh. Ç.

"Tentuan të futnin në Shqipëri, me autobus, mallra të kontrabanduara me vlerë të përafërt 50 000 euro, arrestohen 2 shtetas.Sekuestrohen mallrat dhe autobusi, si dhe celularët dhe pasaportat e të arrestuarve.

Në vijim të punës së bazuar në analizën e riskut, të kryer nga Policia Kufitare e PKK Port Durrës, në hyrje/dalje të vendit, me qëllim parandalimin dhe goditjen e krimeve në kufi, në hyrje të Shqipërisë, është kaluar në vijë të dytë, për kontroll të detajuar, autobusi që kishte si drejtues shtetasit E. N. dhe Sh. Ç.

Nga kontrollet në këtë mjet janë gjetur veshje, pajisje, produkte ushqimore, produkte kozmetike dhe pije alkoolike, të dyshuara të kontrabanduara, pasi ishin të papajisura me fatura blerjeje.

Në vijim të veprimeve procedurale për rastin, në kuadër të operacionit “Duo”, u arrestuan në flagrancë shtetasit E. N., 46 vjeç, banues në Lezhë dhe Sh. Ç., 51 vjeç, banues në Shkodër, për veprat penale “Kontrabanda me mallra për të cilat paguhet akcizë ose me pezullim të plotë apo të pjesshëm nga detyrimet doganore ose të akcizës” dhe “Kontrabanda me mallra të tjera”, kryer në bashkëpunim", njoftoi policia./ CNA





Lajmet e fundit nga