web counter
LEXO PA REKLAMA!

SHKARKO APP

App Store
Google Play

E fundit!

x

Ngjarja me adoleshentet në Vlorë/ Zbardhen detaje të reja

25 Mars 2025, 14:19, Kronika CNA

Ngjarja me adoleshentet në Vlorë/ Zbardhen detaje të reja

Mësohen detaje të reja mbi rastin e adoleshenteve në qytetin e Vlorës, të cilat janë nxitur për të përdorur lëndë narkotike dhe një prej tyre ka rënë pre e abuzimit seksual.

Ngjarja është denoncuar në polici nga e ëma e vajzës, e cila është abuzuar seksualisht. Ka qenë vajza e cila i ka treguar nënës së saj për ngjarjen, personat që ishin të përfshirë në të dhe të gjithë skenën. Më pas, e ëma bashkë me vajzën kanë shkuar në polici, duke denoncuar rastin.

Sa i përket mënyrës si ndodhi ngjarja, mësohet se vajzat kanë shkuar në një hotel në qytetin e Vlorës me dëshirën e tyre. Njëra prej vajzave dyshohet se prej kohësh ka pasur komunikim me Rinald Rakipajn, që ishte autori i kësaj ngjarjeje. Më pas ky i fundit ka bindur vajzën e mitur që jo vetëm të shkojë në hotel me të, por edhe të marrë dy shoqet e saj me vete.

Të shtyrë nga kureshtja, vajzat të nxitura njëkohësisht nga dy personat e përfshirë, që edhe ata mes tyre janë miq, kanë konsumuar lëndë narkotike të llojit kokainë. Më pas, Rakipaj është ndarë nga grupi me njërën prej vajzave dhe ka nisur abuzimin.

Ndërsa shoku i Rinald Rakipajt ka qëndruar duke konsumuar me dy vajzat e tjera të mitura lëndë narkotike, ku konfirmohet edhe njëherë se me dy vajzat e tjera nuk ka pasur abuzim seksual.

Pas denoncimit në polici, efektivët kanë arrestuar 33-vjeçarin, i cili është marrë në pyetje. Ai në momentet e para nuk e ka pranuar fajin, por i gjendur përballë provave ka pohuar ngjarjen e rëndë, duke e pranuar atë dhe duke treguar edhe dinamikën.

Autori ka pranuar ngjarjen, por është shprehur se me njërën prej vajzave të mitura kishte komunikim prej kohësh dhe adoleshentet kanë shkuar vetë në hotel me dëshirë.

Policia po vijon hetimet për rastin në fjalë./CNA





Lajmet e fundit nga