web counter
LEXO PA REKLAMA!

SHKARKO APP

App Store
Google Play

E fundit!

x

Dhunimi i 43-vjeçarit në Lushnjë/ Policia mohon se fshehu ngjarjen

24 Mars 2025, 14:56, Kronika CNA

Dhunimi i 43-vjeçarit në Lushnjë/ Policia mohon se fshehu

Policia e Lushnjës ka reaguar për rastin e një 43-vjeçari, i cili u dhunua nga dy të rinj disa ditë më parë. Pretendimet se ngjarja ishte fshehur nga policia, janë hedhur poshtë nga forcat blu.

Në njoftimin e bërë, policia thotë se arrestoi në flagrancë dy të rinjtë, I. N., 20 vjeç dhe E. K., 23 vjeç.

Personi i dëmtuar, aktualisht është nën kujdesin e mjekëve.

“Në lidhje me ngjarjen e ndodhur më datë 20.03.2025, në qytetin e Lushnjës ku një 43-vjeçar është goditur me gur nga 2 shtetas, dhe pretendohet se policia ka fshehur ngjarjen, ju bëjmë me dije se:

Policia e Lushnjës në bashkëpunim me Seksionin për Hetimin e Krimeve Kundër Personit në DVP Fier, ka kryer të gjitha veprimet procedurale hetimore, ka reaguar dhe ndjekur në kohë ngjarjen dhe në asnjë moment nuk ka tentuar të favorizojë autorët apo të fshehë lajmin, por ka kryer të gjitha procedurat konform ligjit dhe e ka bërë ngjarjen publike në njoftimin e dhënë për shtyp dhe konkretisht: 

Me marrjen e njoftimit për ngjarjen e ndodhur, shërbimet e Policisë menjëherë kanë reaguar duke  bërë arrestimin në flagrancë të autorëve të dyshuar, shtetasve I. N., 20 vjeç dhe E. K., 23 vjeç.

Pas veprimeve të kryera, Drejtoria Vendore e Policisë Fier ka dhënë njoftimin për shtyp më datë 21.03.2025 në përmbledhjen ditore, konkretisht, njoftimi për këtë lajm është dhënë si më poshtë: "Specialistët e Seksionit për Hetimin e Krimeve Kundër Personit arrestuan në flagrancë shtetasit I. N., 20 vjeç dhe E. K., 23 vjeç, të dy banues në Lushnjë, pasi dyshohet se për motive të dobëta, kanë goditur me gurë, një 43-vjeçar, i cili aktualisht është në kujdesin e mjekëve"”, thotë policia./ CNA





Lajmet e fundit nga