web counter
LEXO PA REKLAMA!

SHKARKO APP

App Store
Google Play

Qëlloi me armë zjarri bashkëshorten dhe më pas e preu me xham/ Vihet në pranga 68-vjeçari

24 Mars 2025, 09:41, Kronika CNA

Qëlloi me armë zjarri bashkëshorten dhe më pas e preu me

Policia ka vënë në pranga 68-vjeçarin Xh. H., banues në fshatin Mjedë, pasi dyshohet se ka qëlluar me armë zjarri bashkëshorten e tij. Pasi e ka qëlluar dy herë me armë, 68-vjeçari e ka qëlluar dhe me grushte dhe më pas e ka dëmtuar me mjet prerës.

Shkak për dhunën ndaj 61-vjeçares Gj. H., dyshohet të ketë qenë xhelozia. E plagosura ndodhet në spital jashtë rrezikut për jetën.

Njoftimi i policisë

Policia sekuestroi në cilësinë e provës materiale armën e gjahut çifte.

Shërbimet e  Komisariatit të Policisë  Vau i Dejës  pas njoftimit të marrë se një shtetase nga Vau i Dejës  po transportohej për ndihmë mjekësore drejt spitalit të Shkodrës pasi dyshohej se ishte dhunuar nga bashkëshorti, menjëherë kanë organizuar punën për sqarimin rrethanave, kapjen dhe arrestimin  autorit.

Në bashkëpunim me Sektorin për Krimet e Rënda në Drejtorinë Vendore të Policisë Shkodër  u bë kapja  e shtetasit Xh. H., 68 vjeç, banues në fshatin Mjedë dhe arrestimi në flagrancë  i tij për veprën penale “Vrasja për shkak të marrëdhënieve familjare” e mbetur në tentativë.

Nga veprimet e para hetimore  dyshohet se 68-vjeçari, për motive të dobëta (xhelozie)  ka qëlluar 2 herë me armë gjahu çifte në drejtim të bashkëshortes për ta vrarë  dhe më pas e  ka goditur me grushte në fytyrë dhe e ka dëmtuar me mjet prerës (xham)  në pjesën e qafës dhe shpatullës.

61-vjeçarja shtetasja Gj.H, ndodhet nën kujdesin e mjekëve jashtë rrezikut për jetën.

Në cilësinë e provës materiale është sekuestruar arma e gjahut çifte, dy gëzhoja dhe 17 fishekë armë gjahu.

Materialet procedurale i kaluan Prokurorisë, për veprime të mëtejshme./ CNA

 





Lajmet e fundit nga