web counter
LEXO PA REKLAMA!

SHKARKO APP

App Store
Google Play

E fundit!

x

Zjarri në fushën e mbetjeve në Vlorë/ Dredha: Do ta kapsulojmë sa të mundemi, plehrat vendosen te landfilli i Sherishtës

24 Mars 2025, 10:03, Kronika CNA

Zjarri në fushën e mbetjeve në Vlorë/ Dredha: Do ta

Kryetari i Bashkisë së Vlorës, Ermal Dredha, ka folur për zjarrin që ka përfshirë që mbrëmjen e djeshme fushën e mbetjeve në Vlorë. Dredha tha se perimetri i zjarrit tashmë është i menaxhueshëm dhe po punoheet që të izolohet totalisht.

Kryebashkiaku i Vlorës deklaroi se po merren masa për mbetjet në këtë fushë, ku tha se brenda javës do të transportohen në landfillin e Sherishtës. Më pas, Dredha tha se do të kapsulohet landfilli i Vlorës po ashtu dhe ai i Orikumit.

“Ka filluar që mbrëmë zjarri, diku rreth orës 22:00. Rreth orës 23:30 zjarri ka qenë pothuajse i menaxhuar, nga mesnata ka filluar përsëri dhe sot ka pasur prezencë zjarri më shumë. Tashmë është i menaxhueshëm perimetri ku ka zjarr. Ka më shumë prezencë tymi, megjithatë zjarrfikëset janë në terren që të izolohet totalisht.

Ka probleme të menaxhimit të administratës bashkiake, do të merren masa dhe për personat, nëse nuk kanë reaguar apo nuk kanë reaguar në kohë.

Për punë një jave maksimumi do të vihet në punë landfilli i Sherishtës. Shpresojmë që nga java tjetër të fillojmë të vendosim plehrat te landfilli i Sherishtës dhe pastaj të marrim masat për të kapsuluar sa të mundemi, me dhe si fazë e parë, qoftë landfillin këtu qoftë fushën e mbetjeve në Orikum”, tha Dredha./ CNA

 

 





Lajmet e fundit nga