web counter
LEXO PA REKLAMA!

SHKARKO APP

App Store
Google Play

Ylli i Netflix u kap me 40 kg drogë në Manchester/ I shpëton dënimit me 20 muaj burg

27 Nëntor 2024, 22:39, Kosova & Bota CNA
Ylli i Netflix u kap me 40 kg drogë në Manchester/ I shpëton
Olga Bednarska

Një modele e njohur e Netflix u dënua me 20 muaj burg në Mbretërinë e Bashkuar për trafik droge.

Olga Bednarska u arrestua një muaj më parë teksa tentoi të të trafikonte 150,000 paund kanabis, teksa fluturonte nga Tajlanda për në Britani.

27-vjeçarja u ndalua në aeroportin e Manchester me dy valixhe të mëdha në të cilat u gjetën rreth 40kg kanabis.

Edhe pse dënimi i saj ishte me 20 muaj burg, modelja nuk do të shkojë asnjë ditë në qeli pasi vendimi me burg u pezullua sepse modelja pretendoi se çantat ia kishte dhënë një shoqe e saja dhe nuk e dinte se çfarë kishte brenda tyre.

Modelja rrëfeu se fluturimi i saj ishte paguar nga një person tjetër me kusht që të merrte dhe valixhet me veshje të shtrenjta që sillte nga Phuketi i Tailandës.

Në gjykatë u tha se Bednarska, me origjinë nga Polonia e cila jeton në Manchester, kishte jetuar përtej mundësive të saj duke akumuluar një borxh prej 16,000 paund. Prandaj për të paguar këtë ajo u detyrua të përfshihej në krim, duke fluturuar në Tailandë për t’u kthyer me valixhet e porositura.

Bednarska shpërtheu në lot në gjykatë dhe rrjedhimisht asaj iu kursye burgu për evazion fiskal dhe transport të drogave të klasit B. Gjykatësi John Potter i dha 20 muaj dënim të pezulluar për transportimin e kanabisit, që kap një vlerë rruge rreth 157,600 paund. Përveç dënimit të pezulluar, Bednarska u urdhërua të kryejë 15 ditë aktivitete rehabilitimi. 





Lajmet e fundit nga