web counter
LEXO PA REKLAMA!

SHKARKO APP

App Store
Google Play

E fundit!

x

Vuçiç jep lajmin: Brenda 2-3 ditësh do të kem takim në Bruksel me Kurtin

24 Tetor 2023, 14:41, Kosova & Bota CNA
Vuçiç jep lajmin: Brenda 2-3 ditësh do të kem takim
Aleksandër Vuçiç

Presidenti i Serbisë, Aleksandër Vuçiç, ka njoftuar se do të zhvillohet një takim i radhës në Bruksel, në të cilin do të jetë edhe Kryeministri i Kosovës, Albin Kurti.

Ai ka thënë se ky takim do të ndodhë brenda dy-tri ditësh, por ka theksuar se nuk mund të japë detaje të tjera. 

“Agjenda është në vijë me atë që kemi diskutuar me pesëshen e madhe, por nuk mund të flasë për atë. Detyra jonë është që ta mbrojmë Serbinë nga të gjitha masat e mundshme dhe nga kapitullimi i shtetit dhe interesave kombëtare. Unë besoj se do të kemi sukses”, u shpreh ai.

Pesë diplomatë të Perëndimit zhvilluan vizita më 21 tetor në Kosovë dhe Serbi, me një qëllim kryesor, ringjalljen e dialogut mes dy vendeve.

Drejt Kosovës dhe Serbisë udhëtuan Mirosllav Lajçak, bashkë me të dërguarin amerikan për Ballkanin Perëndimor, Gabriel Escobar, dhe zyrtarët e lartë nga Franca, Emanuel Bonne, Gjermania, Jens Plotner dhe Italia, Francesco Talo.

Pas takimeve, Lajçak u shpreh se Kosova dhe Serbia duhet të përmbushin plotësisht detyrimet e tyre për dialog./CNA 

 

 

 





Lajmet e fundit nga