web counter
LEXO PA REKLAMA!

SHKARKO APP

App Store
Google Play

Viktimizohet Vuçiç: Nëse kam bërë gabim që shkova në Moskë, më ndëshkoni mua, jo Serbinë

8 Maj 2025, 11:45, Kosova & Bota CNA

Viktimizohet Vuçiç: Nëse kam bërë gabim që

Presidenti serb, Aleksandar Vuçiç, është viktimizuar pasi shkoi në Moskë duke thënë se pret pasoja për pjesëmarrjen e tij në paradën ushtarake ruse, por pret që Bashkimi Europian ta ndëshkojë atë personalisht, jo Serbinë.

"Jam i bindur se Serbia do të mbetet në rrugën europiane. Nëse BE-ja dëshiron të ndëshkojë dikë, le të më ndëshkojë mua. Do ta pranoj ndëshkimin dhe do të kërkoj që i gjithë vendi të mos ndëshkohet",-tha Vuçiç për "RTS".

Vuçiç mbërriti në Moskë nëpërmjet Bullgarisë, Turqisë dhe Azerbajxhanit, pasi Letonia dhe Lituania nuk lejuan që aeroplani i tij të kalonte mbi territorin e tyre.

"Ne udhëtuam nëpër Bullgari, Turqi dhe Azerbajxhan, dhe kur na u lejua korridori, vazhduam udhëtimin tonë. Arrita në Moskë ku u prita nga zëvendësministri i Punëve të Jashtme, Aleksandar Grushko, një nga figurat më të rëndësishme në diplomacinë ruse",-tha Vuçiç.

Ai shtoi se do të takohet me Patriarkun rus Kirill, të cilit do t'i dorëzojë një dekoratë, si dhe me Presidentin e Kazakistanit, Zhomart Tokayev, dhe të premten, pas paradës, së pari me Presidentin e Kinës, Xi Jinping, dhe më pas me Presidentin e Rusisë, Vladimir Putin./CNA





Lajmet e fundit nga