web counter
LEXO PA REKLAMA!

SHKARKO APP

App Store
Google Play

E fundit!

x

“Kemi aleatë që po e ndihmojnë Ukrainën”/ Zelensky: Kievi pret 3 milionë predha artilerie

7 Maj 2025, 12:46, Kosova & Bota CNA

“Kemi aleatë që po e ndihmojnë Ukrainën”/

Ukraina pret 3 milionë predha artilerie nga aleatët e saj sipas deklaratës më të fundit mbi zhvillimet e luftës nga presidenti i ukrainës, Volodymyr Zelensky.

“Nëse Ukraina është e fortë, lufta do të mbarojë”,-u tha Zelensky gazetarëve në Pragë së bashku me presidentin çek Petr Pavel.

Zelensky dhe Zonja e Parë Olena Zelenska mbërritën në Republikën Çeke për një vizitë zyrtare. Një iniciativë çeke për municione do të dërgojë deri në 1.8 milionë predha artilerie në Ukrainë deri në fund të vitit 2025, tha Pavel gjatë vizitës.

“Rusia duhet ta dijë se presim tre milionë predha artilerie nga aleatët tanë. Jo vetëm që Koreja e Veriut është e aftë të ndihmojë në luftë, por kemi edhe aleatë që po ndihmojnë Ukrainën”,-tha Zelensky.

Rusia i është drejtuar Koresë së Veriut për mbështetje, ndërsa zhvillon luftën e saj kundër Ukrainës dhe përballet me izolim nga Perëndimi. Koreja e Veriut ka konfirmuar se ka dërguar trupa për të luftuar përkrah forcave ruse në Oblastin Kursk.

Siç raportohet nga mediat ukrainase, Zelensky e paralajmëroi Moskën se, përveç iniciativës çeke për municione, ka edhe burime të tjera ndihme ushtarake për të ndihmuar Ukrainën të përballojë luftën e Rusisë.

Iniciativa çeke u lançua vitin e kaluar për të luftuar mungesat e predhave në Ukrainë për shkak të vonesave në ndihmën ushtarake amerikane në fillim të vitit 2024.

“Detyrimi i Rusisë për një armëpushim të plotë dhe pa kushte, veçanërisht pasi ishte një propozim nga Shtetet e Bashkuara dhe ne e mbështetëm atë, është gjithashtu një detyrë prioritare”,-tha Zelensky./CNA





Lajmet e fundit nga