web counter
LEXO PA REKLAMA!

SHKARKO APP

App Store
Google Play

Ndryshime në Hollywood/ Trump po shqyrton tarifat 100% për filmat që nuk janë bërë në SHBA

6 Maj 2025, 18:59, Kosova & Bota CNA

Ndryshime në Hollywood/ Trump po shqyrton tarifat 100% për filmat

Presidenti i SHBA-së, Donald Trump, njoftoi se po shqyrton një tarifë prej 100% për filmat e prodhuar jashtë vendit, duke thënë se industria amerikane e filmit po vdiste nga një "vdekje shumë e shpejtë" për shkak të stimujve që vendet e tjera po ofronin për të joshur prodhuesit e filmave.

"Ky është një përpjekje e përbashkët nga Kombet e tjera dhe, për këtë arsye, një kërcënim për Sigurinë Kombëtare. Është, përveç gjithçkaje tjetër, mesazh dhe propagandë",-tha Trump në Truth Social.

Trump tha se po autorizonte agjencitë përkatëse qeveritare, siç është Departamenti i Tregtisë, që të fillonin menjëherë procesin e vendosjes së një tarife 100% për të gjithë filmat e prodhuar jashtë vendit që më pas dërgohen në Shtetet e Bashkuara.

Sekretari i Tregtisë Hoëard Lutnick tha se është dakord me vendimin.

As Lutnick dhe as Trump nuk dhanë detaje se si do të zbatohen tarifat.

Nuk ishte e qartë nëse tarifat do të zbatohen për filmat në shërbimet e transmetimit, si dhe për ato që shfaqen në kinema, apo nëse ato do të llogariten bazuar në kostot e prodhimit ose të ardhurat nga biletaria. Ekzekutivët e Hollivudit po përpiqeshin të sqaronin detajet të dielën në mbrëmje. Shoqata e Filmit, e cila përfaqëson studiot kryesore, nuk pati asnjë koment të menjëhershëm./CNA





Lajmet e fundit nga