web counter
LEXO PA REKLAMA!

SHKARKO APP

App Store
Google Play

Hyn në fuqi nisja e një armëpushimi treditor në Ukrainë

8 Maj 2025, 10:17, Kosova & Bota CNA

Hyn në fuqi nisja e një armëpushimi treditor në Ukrainë

Një armëpushim treditor i shpallur nga Rusia hyri në fuqi të enjten në mëngjes dhe i gjeti qytetet kryesore të Ukrainës të qeta, në një ndryshim nga netët e njëpasnjëshme të sulmeve të rënda nga dronë dhe raketa balistike ruse.

Megjithatë, një zëdhënës ushtarak ukrainas i tha "Reuters"-it se trupat ruse kishin vazhduar të kryenin sulme në disa zona në frontin lindor. Forcat ajrore thanë se avionët rusë kishin lëshuar bomba të drejtuara në rajonin Sumy të Ukrainës veriore tri herë.

Por forcat ajrore thanë gjithashtu se nuk kishte pasur raketa apo dronë rusë në hapësirën ajrore ukrainase që kur hyri në fuqi armëpushimi.

Armëpushimi rus, që përkon me 80-vjetorin e fitores së Rusisë në Luftën e Dytë Botërore, hyri në fuqi në mesnatë sipas orës së Moskës.

Si pjesë e ngjarjeve të përvjetorit, Presidenti rus, Vladimir Putin, po pret Presidentin kinez Xi Jinping dhe udhëheqës të tjerë në Moskë dhe do të nisë një paradë ushtarake në Sheshin e Kuq të Moskës më 9 maj.

Ukraina nuk është zotuar të respektojë armëpushimin e Kremlinit, duke e quajtur atë një dredhi nga Putin-i për të krijuar përshtypjen se dëshiron t'i japë fund luftës, e cila filloi kur Rusia nisi një pushtim në shkallë të plotë të Ukrainës në shkurt 2022./CNA

 





Lajmet e fundit nga