web counter
LEXO PA REKLAMA!

SHKARKO APP

App Store
Google Play

Video/ Kur Donald Trump paralajmëronte Gjermaninë për gazin rus

21 Shtator 2022, 11:44, Kosova & Bota CNA
Video/ Kur Donald Trump paralajmëronte Gjermaninë për gazin rus
Donald Trump

Shkurtimi i furnizimit me gaz natyror nga Rusia për vendet europiane që mbështesin Ukrainën, ka bërë që të rriten cmimet për karburantin e nevojshëm për ngrohjen e shtëpive, punën në fabrika dhe biznese.

Javën e kaluar Gjermania mori kontrollin e tri rafinerive të naftës në pronësi ruse, para se embargoja ndaj naftës ruse të hyjë në fuqi vitin e ardhshëm.

Gjithashtu qeveria gjermane ka rënë dakord që të shtetëzojë kompaninë më të madhe importuese të gazit në vend, Uniper.

Por edhe pse faturat e energjisë për qytetarët gjermanë po rriten si pasojë e problemeve me furnizimin me gazin rus, Kancelari gjerman, Olaf Scholz, nuk mendon se sanksionet ndaj Moskës duhet të zbuten.

Gjermania është paralajmëruar për dekada me radhë për rreziqet e varësisë nga gazi rus.

Në prag të luftës në Ukrainë, 55 për qind e gazit  importohej nga Rusia, dhe ndërprerja apo edhe reduktimi i gazit rus prites se do të kishte pasoja të rënda.

Në samitin e NATO-s në Bruksel, në qershor të 2018, ish-presidenti amerikan Donald Trump do të deklaronte për Gjermaninë se është totalisht e kontrolluar nga Rusia.

Trump i tha Sekretarit të Përgjithshëm të Organizatës, Jens Soltenberg, se Gjermania ka gabuar në mbështetjen e tubacionit në detin Baltik prej 11 miliardë dollarësh që do të importojë gazin rus dhe se ka qenë e ngadaltë në arritjen e objektivave për shpenzimet në mbrojtje, që synojnë mbrojtjen e Europës nga Rusia. 

“Ne supozohet që të mbrohemi nga Rusia, ndërsa Gjermania vazhdon të paguajë miliarda dollarë në vit drejt vendit.

Ne po mbrojmë Gjermaninë, Francën dhe të gjitha këto vende, ndërkohë që këto po ndërtojnë tubacionin dhe po paguajnë miliarda dollarë në arkat e Rusisë. 

Gjermania është nën kontrollin e plotë të Rusisë, sepse 60-70 % e energjisë së këtij vendi vjen nga Rusia.

Ajo është robe e Rusisë, ndërkohë që SHBA-ja po e mbron Gjermaninë, tha ai duke shtuar se kjo nuk është aspak e drejtë”, deklaronte Trump asokohe./CNA.al

 

 





Lajmet e fundit nga