web counter
LEXO PA REKLAMA!

SHKARKO APP

App Store
Google Play

Veteranët e UÇK-së: Të formohen institucionet e reja ose s’rrimë duarkryq

18 Korrik 2025, 16:21, Kosova & Bota CNA

Veteranët e UÇK-së: Të formohen institucionet e reja ose

Organizatat e veteranëve të Ushtrisë Çlirimtare të Kosovës (UÇK) u kanë bërë thirrje partive politike, në veçanti Lëvizjes Vetëvendosje, si partia e parë në zgjedhjet e 9 shkurtit, të arrijnë një zgjidhje për konstituimin e Kuvendit para 26 korrikut, afat i paracaktuar nga Gjykata Kushtetuese. Në të kundërtën, kanë paralajmëruar se nuk do të rrinë duarkryq, pasi shteti i Kosovës nuk mund të mbahet peng i askujt.

Nënkryetari i Organizatës së Veteranëve të Luftës së UÇK-së, Gazmend Syla, në një konferencë për media tha se po e ndjekin me shqetësim të madh krizën politike në vend, ku pas më shumë se pesë muajve nuk po formohen institucionet e reja.

Gjykata Kushtetuese, në një aktgjykim në fund të muajit qershor, ka vendozur që partitë parlamentare të konstituojnë legjislaturën e nëntë deri më 26 korrik.

Syla tha se nëse s’ka zgjidhje dhe formim të institucioneve deri më 26 korrik, atëherë ata nuk do të rrinë duarkryq, megjithatë nuk tregoi për veprimet që mund të ndërmarrin.

Duke folur për rrëzimin e mocionit të Dhomave të Specializuara në Hagë për largimin e një pjese të aktakuzës ndaj ish-eprorëve të UÇK-së, Syla tha se kjo gjykatë është politike dhe se janë duke u angazhuar që politikisht ta kundërshtojnë të njëjtën.

Ai bëri të ditur se kanë dërguar letra në adresë të ambasadave dhe ambasadorëve të shteteve mike, eurodeputetëve dhe të dërguarit të presidentit amerikan për Misione të Posaçme, Richard Grenell.

Madje, Syla tha se janë caktuar takime në katër ambasada të ndryshme për të diskutuar për Gjykatën Speciale, mirëpo nuk tregoi se cilat janë ato.





Lajmet e fundit nga