web counter
LEXO PA REKLAMA!

SHKARKO APP

App Store
Google Play

E fundit!

x

SHBA: Siria të tërheqë forcat nga jugu pas sulmeve izraelite

16 Korrik 2025, 20:31, Kosova & Bota CNA

SHBA: Siria të tërheqë forcat nga jugu pas sulmeve izraelite

SHBA-të po i bëjnë thirrje Sirisë të tërheqë trupat e saj nga zona kufitare jugore për të lejuar deeskalimin me Izraelin.

Zëdhënësja e Departamentit të Shtetit, Tammy Bruce, i bëri komentet pasi përleshjet midis trupave qeveritare siriane dhe luftëtarëve vendas Druze rifilluan në qytetin jugor të Suwaydas, disa orë pas një marrëveshjeje armëpushimi.

Në një intervistë për kanalin amerikan ‘Fox News’, Bruce u shpreh lidhur me sulmet e fundit në Lindjen e Mesme, ku theksoi edhe mesazhin për shtetin sirian.

"Ne po i bëjmë thirrje qeverisë siriane të tërheqë ushtrinë e saj në mënyrë që të lejojë të gjitha palët të jenë në gjendje të deeskalojnë", tha Bruce.

Më herët sot, Ministria e Brendshme Siriane dhe një udhëheqës druz, Sheikh Yousef Jarbou, thanë se një armëpushim ishte arritur në Suëayda.

Në një deklaratë, ministria përshkroi parametrat e marrëveshjes, të cilat, tha ajo, përfshinin një ndërprerje të menjëhershme të të gjitha operacioneve ushtarake./CNA





Lajmet e fundit nga