web counter
LEXO PA REKLAMA!

SHKARKO APP

App Store
Google Play

Sulmi i Izraelit në Damask të Sirisë/ Çfarë dihet deri më tani për luftimet

16 Korrik 2025, 16:47, Kosova & Bota CNA

Sulmi i Izraelit në Damask të Sirisë/ Çfarë dihet

Izraeli goditi dy herë sot në zemër të Damaskut, duke paralajmëruar qeverinë siriane se do të përshkallëzojë sulmet e saj nëse trupat qeveritare siriane nuk tërhiqen nga Suwayda në Sirinë jugore.

Sipas mediave në Lindjen e Mesme, Qeveria siriane tha se dërgoi trupa në jug për të rivendosur rendin pas shpërthimit të përleshjeve midis luftëtarëve druzë dhe beduinë.

Forcat qeveritare përparuan, duke marrë tre të katërtat e qytetit.

Komuniteti druz nuk është i bashkuar për tu angazhuar me autoritetet e reja siriane.

Sulmi i Izraelit në Damask të Sirisë/ Çfarë dihet

Disa e njohin qeverinë e re në Damask, edhe pse mbeten skeptikë dhe kanë shqetësime. Të tjerë, të udhëhequr nga Sheikh Hikmat al-Hijri, janë kundër qeverisë, duke i quajtur autoritetet e reja "ekstremiste".

Ky nuk është shpërthimi i parë i dhunës në jug që nga rënia e Presidentit Bashar al-Assad në dhjetor. Përleshjet e mëparshme përfunduan të gjitha me zgjidhje të negociuara që u lejuan një shkallë autonomie luftëtarëve druzë për të ushtruar kontroll në zonën jugore.

Sulmi i Izraelit në Damask të Sirisë/ Çfarë dihet

Ndëkohë, autoritetet izraelite kanë thënë vazhdimisht se duan që zona në Sirinë jugperëndimore, së bashku me kufijtë e saj, të jetë e lirë nga forcat qeveritare. Ata duan një zonë të demilitarizuar.

Qeveria siriane tani përballet me një dilemë: ose të tërhiqet nga Siria jugore, duke iu nënshtruar kërkesave izraelite dhe duke rënë dakord t'i lejojë një shkallë autonomie komunitetit druz, me koston e dështimit për të ushtruar autoritet në të gjithë vendin, ose të mbajë trupa atje dhe të përballet me një paqëndrueshmëri më të madhe./CNA

 

 

 





Lajmet e fundit nga