web counter
LEXO PA REKLAMA!

SHKARKO APP

App Store
Google Play

Presidentja Osmani pret në takim të ngarkuarën me punë të SHBA-së, Anu Prattipati

17 Korrik 2025, 15:06, Kosova & Bota CNA

Presidentja Osmani pret në takim të ngarkuarën me punë

Presidentja e Kosovës, Vjosa Osmani, priti këtë të enjte në takim të ngarkuarën me punë të Shteteve të Bashkuara të Amerikës në Kosovë, Anu Prattipati.

Mësohet se gjatë takimit u diskutua për vizitën e fundit të Presidentes Osmani në SHBA, takimet e zhvilluara me zyrtarë të lartë të administratës Trump, si dhe për çështje të tjera me interes të përbashkët.

Përmes një postimi në rrjetet sociale, Osmani bën me dije se në këtë takim rikonfirmoi përkushtimin e Kosovës për avancimin e mëtejmë të marrëdhënieve bilaterale, përfshirë hapjen e kapitujve të rinj të bashkëpunimit me SHBA-në, me theks të veçantë në fushat e ekonomisë dhe të mbrojtjes.

Në takim u diskutua gjithashtu për zhvillimet e fundit në vend, me fokus në hapat e mëtejmë drejt konstituimit të Kuvendit në dritën e vendimit të fundit të Gjykatës Kushtetuese, si dhe për zhvillimet në fushën e sigurisë./CNA





Lajmet e fundit nga