web counter
LEXO PA REKLAMA!

SHKARKO APP

App Store
Google Play

Vendimi për vulën/ Gjokutaj: Është e qartë kush është PD e vërtetë

27 Dhjetor 2023, 20:29, Kosova & Bota CNA
Vendimi për vulën/ Gjokutaj: Është e qartë kush
Avokati Genc Gjokutaj

Avokati Genc Gjokutaj ka folur lidhur me vendimin e sotëm të Gjykatës së Lartë në lidhje vula e Partisë Demokratike.

Gjykata e Lartë e ktheu çështjen për gjykim, por sipas Gjokutajt ky vendim vërteton që vendimi i Shkallës së Parë është i vetmi determenues i cili ka respektuar procedurat gjyqësore në të njëjtin raport me zgjedhësit e Rithemelimit.

Sipas tij është e qartë kush është PD e vërtetë dhe po aq qartë rezultoi edhe sot në Gjykatën e Lartë.

“Ky vendim përveç se i ka dhënë kohë ideatorëve të kësaj maratone juridike me qëllim fitimin e kohës nga ana e kësaj mazhorance dhe moslegjitimimin e opozitës reale, përkundër të gjitha vërteton një fakt që vendimi i Shkallës së Parë është i vetmi determinues i cili ka respektuar procedurat gjyqësore në të njëjtin raport me zgjedhësit e Rithemelimit. Pra është i vetmi vendim i pacënuar, vendim me integritet që duhet të ishte regjistruar që në momentin që u mor, por me manovra juridike me strategji të shkeljes në mënyrë flagrante të ligjit pa i dhënë llogari askujt, me gjykata me dy standarde brenda një kohe të shkurtër, arritën ta çonin çështjen në Apel.

Që në atë moment procedural është zbuluar dhe dekriptuar strategjia e projektuesve të kësaj maratone juridike, pasi ata e kanë të qartë se kush është PD e vërtetë dhe po aq qartë rezultoi edhe sot në Gjykatën e Lartë të cilët ata gjithçka kanë bërë nuk kanë mundur dot të fusin duart te vendimi i Agron Zhukrit në lidhje me Rithemelimin, është vendimi i cili ka vendosur regjistrimin e vullnetit plebishitar, si në Kuvendin e 11 dhjetorit të 2021 ashtu edhe në referendumin e datës 18 dhjetor të po atij viti.”, tha Gjokutaj./ CNA





Lajmet e fundit nga