E fundit!

19:37 Aktualitet

Mbahet protesta e 25-të kundër qeverisë, qytetarët ‘sfidojnë’ shiun

Këtë të mërkurë ka nisur grumbullimi i qytetarëve për prot...

Qyno në SPAK/ Avokatët: Gjyqtarja po zvarrit çështjen qëllimisht

27 Dhjetor 2023, 18:40, Aktualitet CNA

Qyno në SPAK/ Avokatët: Gjyqtarja po zvarrit çështjen

Gazetari Elton Qyno

Këtë të mërkurë datë 27 Dhjetor 2023 është mbajtur sesnca gjyqësore për gazetarin Elton Qyno.

Avokatët Qynos, pas seancës në një deklaratë për media akuzuan gjyqtaren e çështjes se po zvarrit procedurën. Ata e quajtën absurde se si një prokuror që është vetë objekt i këtij hetimi , është po vetë ai që po heton veten e tij dhe dy kolegë të tjerë.

“Po gjyqtarja e çështjes sot që kishte cështjen sot, nuk ka dorëzuar ende dosjen në sekretari, cka po vonon vendimarrjen e gjykatës së Apelit. Jam I bindur se gjykata e Lartë të paktën do të zhbëjë gjithë këtë katrahurë por deri atëherë si duket duhet të presim edhe ca kohë. Sepse gjykata po përdor një logjikë absurd. U konstatuan edhe paligjshmëri të reja sepse nuk ishim informuar për disa veprime të prokurorit që ishin kryer. Telefonat që i janë marrë gazetarit Elton Qyno, nuk i janë marrë as në trup as në shptëpi as në punë, por i janë marrë tek një lokal këtu afër. Nxerrja e të dhënave nga një dosje hetimore është përgjegjësi e prokurorëve dhe oficerëve të policisë gjyqësore. Prokurori në sallë të gjyqit e pranoi se kemi të bëjmë me një hetim ku janë vetë prokurorët ataqë duhet të hetohen. Dhe nga ana tjetër absurdi është se një nga prokurorët që është objekt i këtij hetimi vetë, është ai që po heton ndërkohë veten e tij dhe dy kolegë të tjerë.”, tha njëri nga avokatët.

“Veprimi tjetër është që ne do i drejtohemi gjykatës së Apelit për Elton Qynon. Ne do të kthejmë ato të drejta të cënuara. Gjykata në shumë raste ka qenë e padrejtë me Qynon. Është trajtuar si një kriminel i rëndomtë. Ditën e sotme kemi konstatuar se gjyqtarja me qëllim është duke zvarritur dërgimin e dosjes në gjykatën e Apelit. Do bëjmë kallëzim kundrejt gjyqtares për zvarritjen e procedurës.”, u shpreh avokati tjetër.

Qyno u mor në SPAK ku u pyet për burimin e informacionit të lajmeve që ai kishte publikuar./ CNA