web counter
LEXO PA REKLAMA!

SHKARKO APP

E fundit!

x

FOTO/ Sulmi ndaj faqeve online të institucioneve, si qëndron e vërteta

27 Dhjetor 2023, 13:18, Aktualitet CNA

FOTO/ Sulmi ndaj faqeve online të institucioneve, si qëndron e

CNA ka kryer një verifikim dhe rezulton se nuk janë të gjitha faqet e institucioneve "online".

Pas sulmeve, faqet "online" të ILDKPI, KLSH dhe Kuvendit të Shqipërisë nuk janë funksionale për qytetarët. Madje këto faqe nuk hapen fare në internet dhe qytetarët nuk mund të kryejnë asnjë shërbim. 

Ndërkohë faqja e Drejtorisë së Përgjithshme e Tatimeve hapet, por duket që është sulmuar, pasi nuk është funksionale. 

Nga verifikimi i kryer nga CNA, nuk punon sistemi në tatime dhe bizneset nuk mund të deklarojnë shitjet "online". 

Në lidhje me këtë situatë ka pasur edhe një reagim për CNA nga AKSHI, ku nënvizohet se asnjë nga faqet online të institucioneve të mësipërme nuk menaxhohen apo kontrollohen nga ky institucion. 

"Asnjë nga këto faqe nuk hostojmë ne", është kjo përgjigjja e ardhur nga Agjencia Kombëtare e Shoqërisë së Informacionit.

“Situata është rikthyer në normalitet pas rreth 60 minutash dhe faqet qeveritare janë sërish në funksion të plotë. Theksojmë se sulme të tilla nuk kanë asnjë lidhje me sigurinë e sistemeve dhe të dhënave në to.

AKSHI nuk ka asnjë lidhje me kompanitë private, apo institucionet e pavarura si Kuvendi i Shqipërisë, etj", thuhet në deklaratë. /CNA 





Lajmet e fundit nga