LEXO PA REKLAMA!

SHKARKO APP

Ukrainasit po përparojnë në frontin lindor/ Ushtaraku i lartë i njësisë SVAT: Gati kundërofensiva e re ndaj rusëve

7 Dhjetor 2022, 10:33, Kosova & Bota CNA

Ukrainasit po përparojnë në frontin lindor/ Ushtaraku i

Kundërofensiva ushtarake e Ukrainës nuk ka përfunduar. Ajo nisi për herë të parë në shtator dhe solli çlirimin e një pjesë të rajoneve lindore. Por riorganizimi i fuqishëm i trupave ruse dhe 10 ditë reshjet shiu të mëdha e ndërprenë atë. Por tani po rinisin operacionet për çlirimin e Donbasit të Sipërm.

Ndërsa qielli mbi Ukrainë është kthjelluar dhe temperaturat kanë rënë 10 gradë nën zero, ushtarët ukrainas janë gati të largohen nga kazermat e tyre në Liman për të nisur sulmin ndaj vijës së frontit rus. Ata udhëhiqen nga koloneli i Batalionit Karpatska Siç, dhe vullnetarë të armatosur të partisë nacionaliste Svoboda.

Ushtaraku i lartë i njësisë SVAT, ka udhëhequr më herët betejat vendimtare për çlirimin e Izium dhe Liman. Ish-pilot i aviacionit dhe avionëve në kohë paqeje, ai dëshiron që bashkë me mijëra bashkëpatriotë të depërtojë në qytetet e fortifikuara Svatove dhe Kremina, që janë shumë të rëndësishme për të rimarrë më pas Lisiçansk dhe më pas Severodonetsk, dhe për t’i dëbuar rusët drejt kufijve të tyre natyrorë.

Kolonel Svat, herën e fundit u takuam më 3 tetor, kur ju sapo kishit rimarrë Limanin, dhe rusët ishin ende të trullosur në pyjet e zonës. Në atë kohë ju premtuat se do të çlironit edhe Svatove dhe Kreminën. Ju dëshironit të rimerrnin Luganskun dhe Donjeckun deri në dhjetor, por ja ku jemi dhe ende nuk janë arritur këto synime...

Gjatë 3 muajve të fundit kemi përparuar, por më ngadalë sesa do të kishim dashur. Kemi kaluar liqenin artificial dhe jemi pozicionuar në fshatin Terni, ku raketat godasin gati çdo orë. Disa nga njësitë tona tashmë janë afër dy qyteteve të vendosura në shënjestër.

Me trupat më të avancuara nuk keni përparuar as 30 kilometra në 2 muaj. Pse?

Sepse armiku është përforcuar shumë. Shumë njësi të reja kanë mbërritur nga jugu. Grupe këmbësorie nga Kerson. Nuk mund t’iu them, numrin e saktë, por ata kanë ripushtuar të gjithë frontin lindor. Në Bakhmut, më në jug, dhe këtu në linjën e Luganskut. Ata janë ri-pajisur dhe po luftojnë më profesionalizëm. Ata kanë ndryshuar gjeneralët që kanë në krye, nuk kanë ndërmend të largohen dhe vazhdojnë të lëshojnë drejt nesh shumë raketa.

Kush nuk favorizohet nga moti i acartë? Qielli i pastër i bën më efektivë dronët rusë...

Ne vuajtëm nga shiu i gjatë që ra në fund të nëntorit, u bllokuam. Reshjet ndalën më 29, por ngricat nisën më 1 dhjetor. Janë dy rrugë që lidhin Svatovën me Kreminën dhe në këto kushte,mund të transportojmë mjetet e transportit të trupave, por jo nga të gjitha automjetet tona. Tani është ftohtë, rrugët janë të pastra dhe mund të rinisin sulmet. Nuk po zbuloj sekrete ushtarake, pasi rusët na presin.

Edhe këtu, 70 kilometra më në jug, ka në radhët e ushtrisë mercenarë të Grupit Vagner? Ata më të stërviturit, dhe më të këqijtë?

Disa njësi, po. Por edhe ushtarët çeçenë. Ne nuk shikojmë askënd në fytyrë, tani duhet të sulmojmë për të bërë presion në këtë anë të Donbasit, dhe për t’u dhënë pak oksigjen shokëve tanë në Bakhmut.

Edhe këtu ushtarët tuaj qëndrojnë brenda llogoreve të ngrira?

Po, në vijën e frontit kushtet janë shumë të vështira. Përparojmë pak në pyll, ndalojnë nën zjarrin armik, gërmojmë llogore për 2-3 ditë. Më pas presim urdhrat e reja dhe nisemi. Dhe të mendosh që kemi përpara 3 muaj dimër, dimri i Donbasit.

A keni humbje?

Dje patëm 3 të plagosur, pardje 3, mbi pardje 1. Humbjet janë të mëdha. Që nga fillimi i luftës kemi pasur më shumë se 200 të vrarë. Batalioni që drejtoj unë ka 600 burra, gati të gjithë vullnetarë. Më 19 qershor, afër Izum, themeluesi ynë, Oleg Kutsin ndërroi jetë. Së fundmi ne humbëm një nga ushtarët tanë më të mirë, vinte nga Tajvani.

Si jeni tani, vuani ende nga dhimbja e kokës?

Ndonjëherë pas dreke dhimbja rikthehet, por unë jam më mirë. Ishte një bombë, e cila shpërtheu shumë pranë meje.

Po me armët si jeni?

Deri diku mirë. Na mungojnë disi municionet për artilerinë dhe tanket. E di që janë duke mbaruar. Në fillim përdorim armatimet tona me origjinë sovjetike. Dhe pastaj armët amerikane.

A është e vërtetë që Elon Musk po ua heq internetin që ua dha deri dje falas?

Kam vënë re që shpejtësia e internetit ka rënë në zonën e luftës. Për ne sinjali Starlink është falas, por mendoj se pronarit të "Twitter"-it i kushton shumë para, dhe Pentagoni nuk donte të ndërhynte për ta mbështetur atë. Tani transmetimi është i kufizuar dhe kemi probleme me transferimin e të dhënave.

Përkthyer nga CNA.al

Lajmet e fundit nga