web counter
LEXO PA REKLAMA!

SHKARKO APP

App Store
Google Play

Tronditet Greqia/ 38-vjeçarja djeg me acid në fytyrë burrin duke fjetur

22 Tetor 2022, 17:57, Kosova & Bota CNA
Tronditet Greqia/ 38-vjeçarja djeg me acid në fytyrë burrin
Autorja e ngjarjes

Greqia është tronditur nga vrasja e një 36-vjeçari nga bashkëshortja e tij.

Mediat e shtetit fqinj raportojnë se 38-vjeçarja me inicialet M.S. i ka hedhur acid në fytyrë bashkëshortit me iniciale G.M.

Ngjarja ka ndodhur në një hotel, teksa 36-vjeçari ka qenë duke fjetur gjumë. Menjëherë pas kësaj, autorja e ngjarjes është larguar me vrap nga hoteli për t'u arratisur dhe është shpallur në kërkim nga policia.

Shtetasi G.M. ka pësuar djegie në 10-12% të fytyrës, duke përfshirë zonën e syve, por është në gjendje të stabilizuar dhe jashtë rrezikut për jetën.

Ky i fundit rezulton të jetë person me precedentë penalë të mëparshëm. 36-vjeçari nga Fodele ishte liruar së fundmi nga burgu, pasi ishte dënuar si autori i pesë grabitjeve, një tentative grabitjeje, zjarrvëniesh dhe vjedhjesh, të kryera nga viti 2012 deri në vitin 2015.

Shtetasi G.M. u vu në pranga në 11 qershor të vitit 2015, pas një tentative për grabitjen me armë të një dyqani bizhuterish, së bashku me një bashkëmoshatar nga Zoniana dhe një shtetas armen.

Për krimet e kryera ai u dënua me 38 vite burg, por la qelinë vetëm pas 7 vitesh burgim./ B.A. – CNA.al





Lajmet e fundit nga