web counter
LEXO PA REKLAMA!

SHKARKO APP

App Store
Google Play

Trazirat vdekjeprurëse në Bangladesh/ Gjykata e Lartë heq kuotat e punës

21 Korrik 2024, 14:20, Kosova & Bota CNA

Trazirat vdekjeprurëse në Bangladesh/ Gjykata e Lartë heq kuotat

Gjykata e lartë e Bangladeshit ka hequr shumicën e kuotave për punët qeveritare që kishin shkaktuar përleshje të dhunshme në të gjithë vendin që kanë vrarë më shumë se 100 njerëz.

Një e treta e vendeve të punës në sektorin publik ishte rezervuar për të afërmit e veteranëve nga lufta e vendit për pavarësi nga Pakistani në 1971.

Por tani gjykata ka vendosur që vetëm 5% e roleve mund të rezervohen për të afërmit e veteranëve.

Qeveria ende nuk i është përgjigjur vendimit. Por një avokat që kërkonin ruajtjen e kuotave e quajti vendimin e Gjykatës së Lartë "historik" dhe kërkoi qetësi, raporton BBC. 

"Të gjithë le ta pranojnë këtë vendim",  tha Shah Manjurul Haque në një konferencë për shtyp, duke shtuar se "studentët duhet të shkojnë në shtëpi".

Megjithatë, një zëdhënës i një prej grupeve studentore u citua nga AFP të ketë thënë se protestat do të vazhdojnë.

Rrugët në kryeqytetin Dhaka janë të shkreta pasi është në fuqi dita e dytë e shtetrrethimit, por në disa zona janë raportuar përleshje sporadike.

Rreth 115 persona kanë humbur jetën por mediat lokale raportojnë një shifër shumë më të lartë të viktimave. Të paktën 50 persona u vranë vetëm të premten.

Vendimi i Gjykatës së Lartë urdhëron që 93% e vendeve të punës në sektorin publik të rekrutohen sipas meritës, duke lënë 5% për familjarët e veteranëve të luftës për pavarësinë e vendit.

Pjesa e mbetur prej 2% është e rezervuar për personat nga pakicat etnike ose me aftësi të kufizuara./CNA 





Lajmet e fundit nga