E fundit!

09:56 Denoncim

“Lumë” presioni në rrjetet sociale/ Të famshmit në “shënjestër”, kush po i nxit për protestat

Protestat e ditëve të fundit të lidhur me situatën në Zvër...

Tragjedia me 78 viktima në brigjet helene/ Arrestohen 7 prej trafikantëve të emigrantëve

15 Qershor 2023, 08:07, Kosova & Bota CNA

Tragjedia me 78 viktima në brigjet helene/ Arrestohen 7 prej

Policia portuale po heton në lidhje me tragjedinë e ndodhur në brigjet helene.

Mediat greke bëjnë me dije se janë arrestuar 7 prej trafikantëve, të cilët i kanë futur emigrantët në anijen e peshkimit, e cila u mbyt në brigjet e Pylos.

Sipas burimeve të "protothema.gr", nuk përjashtohet që numri i trafikantëve të arrestuar të rritet në orët në vijim.

Sipas të njëjtave burime, të shtatë trafikantët e arrestuar janë egjiptianë.

Sipas “qarqeve” të Ministrisë së Transportit, numri prej shtatë trafikantësh justifikohet me faktin se një numër kaq i madh i pasagjerëve emigrantë nuk mund të kontrollohet dhe për këtë arsye trafikantët ishin më shumë se një.

Të njëjtat burime shtojnë se në përvojën e tyre trafikantët janë të parët që kuptojnë se diçka nuk shkon dhe të parët që braktisin varkat dhe shpëtojnë.

Bëhet e ditur se prej ditës së djeshme, tre nga personat e shpëtuar ishin identifikuar dhe dyshohej se mund të ishin disa nga trafikantët.

Në një zhvillim paralel, numri i të vdekurve nga mbytja e anijes në Pylos sipas informacioneve të fundit është 78 dhe jo 79 siç u njoftua pasditen e së mërkurës.

Kërkimet ende vazhdojnë. Numri i të mbijetuarve mbetet 104, ndërsa autoritetet i shqetëson fakti se prej pasdites së djeshme nuk ka asnjë progres në hetime.

Siç theksojnë për "protothema.gr" zyrtarë të Rojës Bregdetare, numri i saktë i pasagjerëve do të jetë i vështirë të përcaktohet me saktësi edhe pas marrjes së deklaratave nga të shpëtuarit.

Sipas eksperiencës së Rojës Bregdetare, këto anije peshkimi prej hekuri kanë transportuar emigrantë nga Tobruku i Libisë drejt Italisë gjatë 2-3 viteve të fundit dhe numri për udhëtim varion nga 300 deri në 500 persona. Emigrantët vijnë nga Afganistani, Pakistani, Siria dhe Palestina. Gjëja tragjike është se sipas dëshmive në anije ka pasur dhe fëmijë./ CNA