web counter
LEXO PA REKLAMA!

SHKARKO APP

App Store
Google Play

E fundit!

x

Rrëmbimi i policëve kosovarë/ Albin Kurti: Hakmarrje e Serbisë

14 Qershor 2023, 16:22, Kosova & Bota CNA

Rrëmbimi i policëve kosovarë/ Albin Kurti: Hakmarrje e

Kryeministri i Kosovës, Albin Kurti ka reaguar për rrëmbimin e 3 efektivëve të policisë së Kosovës.

Kurti shprehet se rrëmbimi i efektivëve nga forcat serbe mund të jetë një hakmarrje ndaj arrestimit të kreut të grupit “Mbrojtja Civile”, Millun Millenkoviç Llune.

Me anë të një postimi në rrjetet sociale, Kurti shprehet se hyrja e forcave të Serbisë në territorin e Kosovës është agresion dhe synon destabilizimin.

“Tre zyrtarë të policisë së Kosovës janë rrëmbyer sot në Leposaviç, në vendin ku dikur kishte një rrugë ilegale të kontrabandës e që ndodhet rreth 300 metra në brendësi të territorit të shtetit tonë.

Dyshojmë që ata janë rrëmbyer nga ushtria e Serbisë, qartazi si hakmarrje e Serbisë për arrestimin e djeshëm të kriminelit famëkeq Millun Millenkoviç – Lune, i cili paraqet një ndër krerët e krimit të organizuar dhe kontrabandës.

Policia e Kosovës është treguar tejet e vetëpërmbajtur këto javët e fundit.

Hyrja e forcave të Serbisë në territorin e Kosovës është agresion dhe synim për eskalim dhe destabilizim.

Kërkojmë lirimin e menjëhershëm të tre zyrtarëve të rrëmbyer policor dhe ftojmë faktorët ndërkombëtarë që të dënojnë këtë akt agresioni të Serbisë”, thekson kryeministri i Kosovës./ CNA.al





Lajmet e fundit nga