web counter
LEXO PA REKLAMA!

SHKARKO APP

App Store
Google Play

E fundit!

x

Policia e Kosovës jep detaje/ Si u rrëmbyen 3 efektivët nga njësitë speciale serbe

14 Qershor 2023, 17:39, Kosova & Bota CNA

Policia e Kosovës jep detaje/ Si u rrëmbyen 3 efektivët nga

Zëdhënësi i Policisë së Kosovës, Bali Kelani doli në një konferencë për shtyp për rrëmbimin e 3 policëve kufitarë nga njësitë speciale të Serbisë.

Kelani tha se 3 policët ishin paqeruajtës dhe vetëm kanë zbatuar ligjin. Ai deklaroi se rrëmbimi i tre efektivëve ka ndodhur brenda territorit të Kosovës.

“Çdo zyrtar policor i di detyrat e veta se si duhet të veprojë dhe si janë të përcaktuar edhe me ligj, edhe me procedurë, mirëpo nganjëherë situata dhe forma e rastit të dirigjon ndryshe dhe në këtë rast duke e parë që ka qenë veprim i organizuar, një rrëmbim klasik, ka ndodhur ky rast si ka ndodhur”, tha zëdhënësi, ndërsa tregoi rrjedhën e ngjarjes.

“Fillimisht, njësiti policor në përbërje prej tre zyrtarëve kufitarë kanë parë që në afërsi në atë lokacion kanë lëvizur persona të dyshuar, të maskuar dhe të armatosur, e që dyshohet të kenë qenë forcat e njësiteve të armatosura të Serbisë. Menjëherë njësitë policore me njësitë tjera kanë shkuar me asistencë në atë lokacion ku me të arritur atje kanë vërejtur vetëm automjetin zyrtar dhe jo tre zyrtarët policorë kufitarë.

Sa i përket çështjes që ata thonë se janë në territor të Serbisë, unë ju them që ata kanë qenë në një pikë statike duke parandaluar futjen e gjërave ilegale në territorin e Kosovës. Kanë parandaluar një shfytëzim të rrugëve që përdorte Serbia. Vendi ku ka ndodhur është brenda territorit të republikës së Kosovës”, u shpreh ai.

Kelani deklaroi se për këtë ngjarje kanë njoftuar mekanizmat ndërkombëtarë dhe KFOR-in./ CNA.al





Lajmet e fundit nga